Kategorien
enmarcheopdeknuedler Kreativitéit stadlëtzebuerg

Mäi Shoppingbag an ech an der Stad

Dëser Deeg sinn d‘Solden. Ech war direkt dobäi an hu schon deck iwwer 100 Prozent gespuert. Ech fannen d’Stad shoppingtechnesch attraktiv. Awer net just well ech esou vill an de Solden gespuert hun, mee och well mir hei an der Stad eng Parti flott Geschäfter hun an déi ech nawell gär akafen ginn. Ech kenne d’Personal, si kenne mech, zumindest meng vestimentaire Preferenzen, Schonggréisst, kulinaresch Gewunnechten, Lecture a soss Schrullegkeeten.

FullSizeRender

Mee anscheinend deelt net jiddereen meng Meenung. Et gëtt geklot, dass der Stad hir Attraktivitéit an de leschten Joeren ofgeholl hätt. Dat ass thematiséiert ginn, wéi ee Libraire aus der Beaumontsgaass, deem sénger Bicher bei mir am Regal stinn, annoncéiert hat, säi Bicherbuttek zou ze maachen, aus verschiddenen Grënn. Et wir ganz schwiereg als Geschäftsmann/fra e.a. wéinst dësem Mangel un Attraktivitéit vun der Stad awer och wéinst den héijen Loyerspräisser, dem Online-Handel. Och droen déi grouss Chaînen hiren Deel zum Misère bäi well hir Mammekonzerner vill méi finanzkräfteg sinn an all kommerziellen Tempo matgoen kënnen incl. dee vun de Loyerspräisser, de Logicielen fir d’Online-Handel Plattformen….

Wat mat Mangel un Attraktivitéit gemengt ass wees ech net: d’Stad ass propper, d’Gebeier, zumindest op Rez-de-Chaussée Héicht, gutt ënnerhalen, iwwerdeems fir Deko vun de Geschäfter entweder déi international Chaînen hir Zentralen zoustänneg sinn oder den eenzelen Geschäftsmann. Mee Deko gehéiert zum Kärgeschäft. Wann ee wëll verkafen, muss ee prett sinn ze verkafen. Méiglecherweis ass bei Mangel un Attraktivitéit déi gefillten schwireg Accessibilitéit gemengt. Also mam Auto versteet sech, well mam Velo oder zu Fouss ass et ganz easy. Dat gëllt och fir de Bus. De Fränz B. kritt d’CFL och lues a lues an de Grëff, iwwerdeems den Tram aner Méiglechkeeten bidde wert, net just fir bis bei d’Geschäfter am Zentrum an am Garer Quartier, mee och fir d’Implantatioun vu Geschäfter.

IMG_1517

Evidemment geet et och ëm d’Parkplazen. Iwwer 10.000 sinn der an a rondrëm d’Stad. An enger rezenter Etude vum Stater Geschäftsverband (UCVL) heescht et, dass d’Meenungen doriwwer gedeelt sinn: fir déi eng Halschent vun de gefrotenen Leit, sinn et net genug Parkplazen, fir déi aner ginn se duer. Ech wënsche mir effektiv och nach e puer méi iwwerdeckten Veloparkplazen.

Des Etude weist och, dass déi grouss Chaînen 2016 méi Geschäftsflächen anhuelen wéi 2010: 11 % manner Geschäfter awer 13 % méi Fläch. Den Ëmsaz vun alle Geschäfter ass an deenen 6 Joër vun 365 Milliounen op 534 Milliounen eropgaang. D’Zuel vun den Awunner an déi vun de Leit déi an der Stad schaffen, also vun de potentielen Klienten, ass och erop gaang.

Déi potentiel Klienten hun eng grouss Offer: vun gënschteg iwwer mëttelgënschteg bis mëtteldeier an deier. Woubäi ech ausdrécklech betounen wëll, dass een ëmmer nëmmen fir séng Suen kritt an dass bëlleg och bëlleg ass, och a punkto Produktiounskäschten, inkl. Material an Aarbechtskraaft. An och dass de Präiss verschidden Valeuren a Gréissten, notamment de Verbrauch vun natiirlechen Ressourcen, net mat abegräift, wat awer net korrekt ass. Iwwriens Gäiz ass net gäil awer verständlech wann d’Akommes limitéiert ass. Mee dat ass eng aner Schrauw un der muss gedréint ginn.

D’Loyerschrauw ass eng aner Gréisst a fir eppes onattraktives wëll keen Suen ausginn. Iergendwéi muss d’Stad jo dann awer attraktiv sinn, soss géngen d’Loyeren jo net esou klammen. De Marché vun Geschäftsflächen ass awer och ee Geschäft, mat haarden Bandagen. Et ass awer net gutt, wann inaccessibel Loyerën Kreativitéit an Dynamik ausbremsen. Och de fräie Maart brauch an deem Sënn Leitplanken.

Wéi mir vun de Stater gréng virun e puer Joer zu Kopenhagen op Bildungsrees waren, huet ee politesch Responsabelen vun der Stad Kopenhagen ons verzielt, dass deemols, wéi de Projet fir de Stadzentrum autofräi ze kréien initiéiert gouf, d’Geschäftsleit sech gewiirt hun, wéinst hirer Angscht, dass manner akaft gëtt wéinst dem Transport: logescherdéngs well eng Malle vun engem Auto ass méi grouss wéi eng Velosposch. Si hun am Laf vun der Zäit awer eraus fonnt, grad wéi Joren dono zu Stroossbuerg, dass de Géigendeel de Fall ass a méi kaf gëtt.

Stbg_opmierksam

Strasbourg 2015: Guillaume Rischard, Mathias Schmit, François Benoy, Claudie Reyland, Florent Toniello

Well een deen eemol an der Woch akafen oder shoppen geet (ech wees, dat ass net datselwecht), ass préparéiert, huet eng Lëscht wat hien brauch, wivill Volume transportéiert gi kann (Gréisst vun der Malle) a gepackt gëtt a wivill op eng Kéier bezuelt muss ginn (vill). Net ze schwetzen vum Stress an dem Genervs beim Parkplaz sichen um éischten Treppléck, an der Kees, beim an d’Wunneg droen, beim Tesselen, well se jo all eguerten dann akafe ginn (Samsdes). Dat sinn Facteuren déi de Kafäifer inhibéieren.

All Dag e Bëssen dogéint ass méi gemittlech, deet net esou wéi am Portemonnaie, ass gutt fir d’Laun, déi gutt ass fir de Plëséier an déi diesbezüglech Virfreed inklusiv Virkeeshormonpick. Méi dax heescht och méi frësch, esouwuel fir d’Veggievoren wéi d’Carnivoren. An a Rucksäck a soss Behältnisser fir Velo oder zu Fouss, kritt een och Etleches dran.

fruits et légumes

Deemno ass et wichteg, dass eng agréabel Atmosphere (wisou denken ech elo och un Air Deluxe?) an den Akafsstrossen ass. Tëschend Ofgasen hetzen ass net flott, genau wéi de Slalom tëschend den Autoën an de Courrierën um Velo, déi Liwwerungen vun Internet-Handel op Destinatioun bréngen. Do ass gemittlech schlenderen an enger adretter verkéiersberouegter Zone dach vill méi flott. Net nëmmen an de Solden.

Cityshopping.lu
„Luxemburg ist eine Shoppingstadt“, Tageblatt, 30. Juni 2017 – „Es bleibt noch Luft nach oben“, Wort, 30. Juni 2017 – „Wie ein kleines Kaufhaus sich in Münche behauptet“, Süddeutsche, 26. Juni 2017
Kategorien
Demokratie enmarcheopdeknuedler Partizipatioun

16.Ersatz enmarcheopdeknuedler

Dëser Deeg hu mir vun de Stater gréng weider un onsem Walprogramm geschafft. Et war déi 4. Versammelung dofir. Et gëtt dee formidabelsten Walprogramm. Groussarteg ! Mir hun um 17H30 ugefaang a vollkonzentréiert an haard geschafft.

IMG_1487

Well mir déi Deeg a Wochen virdrunn och gutt geschafft haten, war ech sëcher, dass ech et kéint packen, fir um 21H00 Auer op der Kinnekswiss dem Gast säin jazzy-klassik Popkonzert mat z’erliewen. Mee bon, ech hat ons gréng Débattéierpassioun schlecht ageschätzt : um 23H15 sinn ech, ouni een Takt gehéiert ze hun, laanscht d’Kinnekswiss Heem pedaléiert. D’Leit vum Konzert waren dunn och um Wee fir Heem.

Et wees een net wéi een et richteg mecht, entweder sech weisen oder awer um Fong schaffen, wann ee Kandidat fir op de Knuedler ass a wëllt gewielt ginn. Bei mengem läschten Ulaf war dat mir jo splendid net gelongen. Dat hun ech an « 16 Ersatz » beschriwwen. Wann een et wëll genau noliesen, einfach sech bei mir mellen.

16_Ersatz

Mee dat war deemols. Entretemps ass vill geschidd. Wat weider geschidd ënner ♯enmarcheopdeknuedler

PizzaPausWalprg

Kategorien
Uncategorized

Konsensuell Deluxe Recto Verso gréng Schrullegkeeten

Dëser Deeg war ech op dräi kulturell-artistesch Evenementer: dat eent war eng Liesung an enger Librairie an der Stad. Eng Parti Schrëftsteller haten sech do Rendez-vous ginn fir des Librairie, mee och déi aner selbstänneg Librairien a kleng Geschäfter, z’ënnerstëtzen. Dat anert war d’Inauguratioun vun « Air Deluxe » am Kader vun „un été pas comme les autres dans une rue pas comme les autres“ an der Philippsgaass an der Stad. Fir dëse Summer huet de Künstlerduo HeHe, Helen Evans an Heiko Hansen, hir Installatioun « Air Deluxe » do opgehaang. Dat drëtt war de vernissage vun der Installatioun „Recto Verso“ vun Charles Wennig a Laurent Daubach am Parc vun der Coque um Kierchbierg.

„Literatur und Kunst und Kultur sind Selbstvergewisserungsformen unserer Gesellschaft“, seet de Robert Habeck*. Dat huet jo dann, ofgesinn dovunn, dass dat alles ausseet iwwer de Stellewert, deen d’Kultur an enger Gesellschaft huet, misst hun, mat wëssen ze dinn, wéi een dann ass a wat ass. De Liesowend an déi zwou Installatiounen weisen op dräi Aspekter hin, déi mat Selbstvergewisserung ze dinn hun oder wéinstens op e Reflet vun deem wat ons Gesellschaft beschäftegt a wat dann hëllefe soll dohinn ze kommen. Also hin zu der Selbstvergewisserung fir dann z’iwwerleeën op dat gutt ass oder net.

De Liesowend war d’Resultat vun engem annoncéierten Ophalen vun enger Librairie déi an de Kontext gesat gouf an ze gesinn ass vun de Changementer vun der Geschäftswelt an der Stad. Des Librairie ass zënter 22 Joer an derselwechter Strooss. Si ass eng fest Gréisst do, bal all de Rescht huet zënter den Ufänk vun dësem Bicherbuttek changéiert. Et gëtt net méi esou akaf wéi deemols, d’Liesgewunnechten sinn anëscht, d’Struktur vun de Geschäfter am Zentrum vun der Stad huet geännert, d’Loyerën och (déi sinn erop gaang).

rectoVerso-1

De President vum Fonds du Kirchberg huet beim Vernissage vun Recto Verso vun Charles Wennig a Laurent Daubach, gemengt, dass d’Panneauën vun der Installatioun och eng Allusioun un déi vill Panneauën an der Stad sinn. Déi hun e.a. mat de ville Chantierën ze doen an déi mat dem dem ville Verkéier an der Stad. D’Chantierën sinn d’Resultat vun der neier Orientéierung vun de Mobilitéit, méi douce, méi gréng. Geschéck maachen ass an dësem Fall mat Nuisancen a ville Panneauën verbonnen. Mee herno gëtt alles gutt.

Inauguration_projet_artistique_rue_Philippe_II_avenue_de_la_Porte-Neuve_15062017_1_Copyright_Phototheque_VDL_Marc_Wilwert

An „Air Deluxe“ beschreiwen Helen Evans an Heiko Hansen de Problem vun der Loftverschmotzung. An Stied ass propper Loft ee Luxus. Dat kënnt och vum villen Automobilverkéier an den Ofgasen, deen duerch eng wéineg virausschauend Verkéierspolitik am Land provozéiert gouf. Gréng douce Mobilitéit ze förderen ass eréicht no engem konsequenten Politikwiessel komm. Den trop-plein vun Autoën mecht anscheinend, dass, trotz enger generéisen Parkplatzoffer, gezeckt gëtt fir an d’Stad akafen ze goen. Loftverschmotzung duerch falsch Mobilitéisprioritéiten déi e.a. och d’Geschäftswelt fragiliséiert.

IMG_1517

Dräi Saachen déi ons beschäftegen. Et geet dorëms, den Drock ewäch ze huelen: vun de Präisser an de Weeër. Duerch Diversifikatioun. An der Mobilitéit an am Commerce. Just esou können d’Dynamiken erhale bleiwen. D’Léisungen sinn gréng Ideeën. An der Mobilitéit gëtt an der Stad, scho méi laang, an am Land, zënter manner laang, Geschéck gemaach an der Diversifizéierung vun der Mobilitéit. Dat ass och de Wee am Commerce.

Mee Moment! Wéi gréng Ideeën?! Wat erlaabt deen Zens sech?! – Richteg, de Punkt ass, dass gréng Ideeën Haut jo keng gréng Schrullegkeeten méi sinn, déi eng Minoritéit interesséiert, mee quasi Konsens. An der Gesellschaft ukomm.

* „Wer wagt beginnt“, Robert Habeck, 2016, Kiepenheuer & Witsch, p. 67

Fotoën: 1: ech – 2: Photothèque VdL, Marc Wilwert, 15.06.2017.

Air Deluxe ass nach ze gesinn bis den 5.9.2017 an der Philippsgaass an der Stad. Recto Verso ass am Parc niewend der Coque laanscht de Bd JF Kennedy.

Kategorien
Demokratie enmarcheopdeknuedler stadlëtzebuerg

Mir man et mateneen. An et wierkt!

Dëser Deeg gouf bekannt, dass ech nees Kandidat sinn fir Buergermeeschter vun der Stad ze ginn.

Enfin, ech hun d’Freed mat 24 Kolleginnen a Kollegen an der Equipe vun onse Spëtzekandidaten Sam Tanson a François Benoy ze sin, déi fir déi gréng an der Stad an d’Gemengewalen geet.

Stad17MeeEquipe

vlnr: Nicole Ikuku Etikwa, Maria De Macedo, Tatjana V. Bonkewitz, Georges Lemmer, Barbara Roland, Jeannelle Gresham, Claudine Muller, Matthias Schmidt, Catia Fernandes, Claude Schmitz, Tilly Metz, Carlo Back, Linda Gaasch, Sam Tanson, Nico Meyrer, Sébastien Tasch, François Benoy, Cyrille Horper, Clauide Reyland, Mike Mathias, Paul Zens, August Götzfried, Christa Brömmel, Alex Hornung (leider net op der Foto Tanja Frank, Henri Goedertz, Guillaume Rischard)

Ech si prett! Ech hun een Twitterkont!

modern medien

De President vun déi gréng, ee Mann voller subtiler Weisheet, huet iwwriens gemengt, de Numm vu mengem Blog wir net adequat fir Walen ze gewannen well e klengt iergendwéi no: w-w-wielt paulzens net.

Egal, well et geet souwisou jo net dorëms wat ech, wat een Eenzelnen seet wat hien maachen kann, mee et geet dorëms wat erreecht gi kann vun ons. Mateneen. Zesummen, well Een een Deel vun engem Ganzen ass. Et mecht ee Saachen fir se all, net just fir een Deel. Dat ass Zesummeliewen. Dat ass Demokratie. Dat ass och Politik.

Politik, Demokratie an Zesummenliewen sinn och keng Aktivitéit just fir no ze kucken, fir niewend dem Terrain ze stoen a vu baussen ze kritiséieren. Et steet een um Terrain an et dréit een säin Deel bäi. Grouss a Kleng, Al a Jonk, Fläisseg a Motivable, Flénk a Lues, mat sénge Qualitéiten an op séng Manéier: konstruktiv, konservativ, innovativ, kreativ, iwwerluecht, dynamesch: mateneen an zesummen Dat wierkt.

IMG_1245

A och wann deen Eenzelen mengt honnert Prozent recht ze hun, muss een, fir d‘Saachen virun ze brengen, openeen zougoen. D’Resultat ass dann méi wéi d’Zomm vun deem wa jiddereen op eegen Fauscht mécht an deet.

Och wann et am politeschen Handelen zwar keng eenzeg Wourecht gëtt, bedeit dat awer och net an absoluten Relativismus ze verfalen a Keng z’ënnerhuelen. Nom mateneen ausschaffen, muss décidéiert a Geschéck gemaach ginn. Da wierkt et.

Dës Manéier wierkt zënter 2005 mat de Gréngen am Schäfferot an der Stad. Et ass vill geschidd. Ganz vill. Dat mierkt een an der Stad ganz gutt. D‘Stad ass attraktiv a wiisst: 2005 hat d’Stad ronn 84.000 Awunner, elo 115.000. Si ass och an aner Beräicher am gaang sech ze veränneren, z’entwéckelen, sech un ze passen. Dat ass néideg well dat alles geschidd op nach ëmmer 51,73 km2.

IMG_0197

Trotzdeem: si mir besser drunn wéi virdrunn? – Jo! Si mir schon do wou mir hiwëllen? – Nach nët! Ech si prett fir mat ze maachen, mateneen, dass et wirkt. Dohin.

Esouwäit zum Prinzip an der Taktik. Wat dat da praktisch heescht gëtt een no a no hei gewuer an hei

Impressiounen vun der Présentatioun vun de Kandidaten hei

Fotoen: 1&4: André Gonner ; 3: John Gerard; 2 an Présentatioun: déi gréng; 5: screenshot geoportail

Kategorien
Uncategorized

Phenomenofrugal wunnen a wuessen

Dëser Deeg war ech fir déi Stater gréng zu Märel Flyer an d’Bréifkëschten puchen. Eng Invitatioun fir een Informatiounsowend de vergaangen 21. März mat e.a. François Bausch, Sam Tanson a François Benoy.

IMG_7363

Ech sinn do um Geesseknäppchen laanscht dat Haus komm an deem mengem Papp séng Elteren, d’Lollo an den Usches, dra gewunnt hun. Si haten am Rez-de-Chaussée gelount. Um éischten Stack huet d’Propriétairin gewunnt. Iwwert hir war eng aner Dame. Haut wunnt an dësem Haus eng eenzeg Famill. Deemno en Haus mat deemols dräi Haushalter, elo een. Dat ass entgéint dem Wunnraumbenotzungstrend an der Stad.

Dëser Deeg huet mäi Papp mir verzielt, dass d‘Wisen hannert séngem Haus a Gaard op séngem Kou-Hénger- an Hengschtduerf elo och kënnen bebaut ginn. De PAG ass do elo färdeg gemaach ginn. D’Propriétairen vun deenen Terrainën hätte sech och scho getraff fir ze kucken wéi, wat, wou. Duer kënnen Wunnengen gebaut ginn. Dat ass eng gutt Saach, och fir mäi Papp. Dat stéiert hien an sengem backyard net.

Capture d_écran 2017-03-25 à 18.13.40

Dëse Lotissement, no bei der Nordstad, déi sech an Zukunft geplangt entwéckle soll, wert d’Duerf méi lieweg maachen well méi no beim Duerfkär a well et net eng Ureihung vun Heiser laanscht eng Staatsstrooss gëtt. Schon de Jean Hamilius, mai Virgänger*, hat Misère mat der fuedemméisseger Entwécklung vun den Dierfer an de 70er Joren. Als Bauteminister vun der DP-LSAP Regierung 1974-1979 huet hien deemols probéiert duerch Kilometerpunkten Gesetz dat z’évitéieren. Mee des Mesure hat just wéineg Succès, stellt hien am nachhinein selwer fest**. Op dat un der Lobby vun de Gemengenpolitiker louch déi Suen spuren wollten bzw. hire Wieler hir Terrainën wollten opwerten? Mir werten et ni gewuer ginn.

Mee d’Resultat dovun si mir elo gewuer ginn: vill ländlech Gemengen sinn sozial onattraktiv an iwwerproportional gewues an och net do wou d’Aarbechtsplazen sinn. Do gëtt just geschlof, iwwerdeems een fir alles wat ee soss maachen wëll ee sech déplacéieren muss, den Auto huelen. Dat huet e.a. vill Verkéier als Konsequenz an huet lues awer secher zu de Mobilitéitsproblemer gefouert déi mir elo hun. Am Individualverkéier awer ëmmer méi och am öffentlechen Transport mat iwwerfëllten Bussen an Zich zu den Stousszäiten an enger Pünktlechkeet vun nach just 63 % am RGTR Réseau. Dat ass net gutt.

Une ville qui

An der Stad ass d‘Relatioun Wunnen/Aarbechtsplazen vun der aktiver Populatioun 1 zu 5. Dat ass ee nawell ongënschtegt Verhältnis. Relativ wéineg, zirka Dausend Reklammatiounen sinn et ginn no der Présentatioun vun de virleefegem PAG vun der Stad Lëtzebuerg. Schon 2014 haten d’Consultatiounen mat de Leit mat Versammelungen an de Quartieren ugefaangen. Dono hun d’Servicer vun der Stad, wéi am Kader vun der Prozedur virgesinn, geschafft. Et konnt reklamméiert ginn an d’Leit dem Schäfferot hir Ideeën présentéieren. Zum Daxten ass et em d‘Maximiséierung vun de bautechneschen Méiglechkeeten gaang am Sënn vun méi Wunnraum fir méi Leit. Dat ass och am Sënn vu méi dicht bauen. Dat ass jo och am Sënn vun Wunnraum no bei der Schaff. Et geet drëms eng Léisung ze fannen am Kader vun de Richtlinnen an dem Bauteregelement am Sënn vum Bierger/Propriétaire?

Richtlinnen festleeën wéi déi verschidden Regiounen am Land sech entwéckelen sollen, gehéiert zu zum Sënn vum Landesplanungsgesetz dat déi blo-rout-gréng Regierung relancéiert huet. Den zoustännegen Minister, de François Bausch, insistéiert an engem Interview um 100komma7***, dass eng breet Debatt an Diskussioun doriwwer mat de Bierger noutwendeg ass. Et geet schlisslech em Zukunft vum Land an dem Emgang mat dëser nawell endlecher Ressource, eben den 2.586 Quadratkilometer Land. An dat geet Jiddereen eppes un.

Eng Diskussioun iwwer Landesplanung beinhalt och eng Diskussioun iwwer de Wuesstem an d’Verdeelung vum Wuesstem. An dat ass ee sensiblen Sujet well « face à la vulnérabilité et la faiblesse de l’économie luxembourgeoise, et probablement en raison même de la vulnérabilité et de la faiblesse, se développe un besoin de sécurité pressant. Il est d’autant plus difficile à assurer que le niveau de vie est plus élevé », stellt de Paul Weber 1955 **** fest. Esou richteg Eppes ass deemno an de leschten Jorzéngten net geschidd. Mee elo awer.

Niewend dem Festleeën vu Richtlinnen, gëllt et och konkret Regelen op zestellen wat den Emgang mam Zouwues u Wert vun den Terraiën ugeet. De Wert vum Terrain steet jo a Relatioun zu der Lag, net just geografesch oder biologësch, mee och d’Lag vun der Wirtschaft. Wann déi sech positiv entwéckelt, entweckelt sech de Wert entspriechend. Och bestëmmen politesch Décisiounen de Wert, z.B op an oder baussend dem Bauperimeter oder wat, wéi héich därf gebaut ginn. Déi Décisounen sinn och tributaire vun der ekonomescher Entwécklung. Deemno ass et richteg, dass een politesch accordéierten Mehrwert och nees ka réckgängeg gemaach ginn, wann op Käschten vun der Allgemengheet, déi den Wuesstem schaaft, Eenzelner spekuléieren a profitéieren wëllen. Dat rezent Gesetz fir d’Mobilisatioun vun de Bauterraiën fir de Wunnengsbau notamment duerch de Baulandvertrag, ass eng sënnvoll Regel.

D’Dynamik vun de leschten Joren an dësem Domaine ass grad esou couragéiert wéi néideg. An de richtege Wee.

Next Info Owender vun déi gréng Stad Lëtzebuerg sinn den 5.4. um Kiem (19H00) an den 27.4. um Lampertsbierg
2017-LWD-Invit-Stad-Kierchbierg
* De Jean Hamilius hat 1952 mat der 4x400m Staffel zesummen mai Robert Schaeffer, Gérard Rasquin an Fred Hammer ee legendären Landesrekord opgestallt deen 46 Joer gehalen hat. Zesummen war ech mam Claude Godart, Marc Reuter a Carlos Calvo d’Nofolleger vun dësem Quattuor wéi mir 1998 zu Kaunas dëse Rekord verbessert haten. ** „Luxemburg im Wandel der Zeiten“, Jean Hamilius, Editions Guy Binsfeld, 2014.***100komma7, 17/03/2017  ****„Les problèmes sociaux dans la politique économique du Grand-Duché de Luxembourg“, Paul Weber, professseur à l’ULB, rapport publié à l’occasion du centenaire de la Société Royale d’Economie Politique de Belgique ; 
Kategorien
Demokratie enmarcheopdeknuedler stadlëtzebuerg

Traditionnel 157 an Opmierksamkeet

Deser Deeg ass e bësse gesouert ginn iwwer 157 Fotoen vun der Presentatioun vun den CSV Kandidaten aus der Stad fir d’Gemengewalen, op Kanäl vum nationalen Ofleeër vun engem privaten Medienkonzern.

Den LSAP Spëtzekandidat huet „deux poids, deux mesures“ monéiert fir drop hinzeweisen, dass deemselwechten Medienkonzern d’Presentatioun vun de Kandidaten vu sénger Partei, just 1 Foto an ee kuerzen Text op manner Kanäl wert gewiecht wir.

Et ass op fb e.a. drop higewisen ginn, dass deen nationalen Ofleeër vun deem privaten Medienkonzern hei am Land eng besonnesch „mission de service public“ z’erfëllen hätt. Eng Missioun, déi sech an Zukunft desen Medienkonglomerat vum Staat bezuelen léist.

Den zoustännegen Chefredakter vum nationalen Ofleeër vum private Medienkonzern huet op engem fb post vun engem Iertum geschriwwen an dass dat net esou geduecht wier. Hien huet Nobesserung versprach. De Spëtzekandidat vun der LSAP huet no engem Telefonsgespréich mam Redakter gepost et wir nees alles gutt. Zumols well jo kuerz drop vill Fotoen, zirka 1/3 esou vill wéi vun der CSV (net agerechent déi bal honnert Fotoen Enn Oktober d’lescht Joer bei der Wiel vum President vun der CSV Lokalsectioun Stad), vun der Présentatioun vun den LSAP Kandidate, um Internet Site vum selwechten Medium waren.

Dësen nationalen Medienofleeër gehéiert engem weltwäiten Komunikatiounskonglomerat dee net op der Bourse notéiert ass. Et ass ee Familijebetrib. Dat war en och schon deemols wéi en 1835 als Dréckereibetrib vum Carl Bertelsmann gegrënnt gouf. Den éischten kommerziellen Erfolleg hat hien deemols mat enger Publikatioun vu chrëschtleche Lidder a Gesäng. Déi 68 Publikatiounen dono haten och reliéis an theologesch Inhalter. Während deem hat hien och nach an séngem Eck déi Chrëschtlech Konservativ Partei gegrënnt, mee hien hat awer keen besonneschen öffentlechen politeschen Erfolleg. Säi Bouf deen dono de Betrib iwwerholl huet, huet des reliéis Publikatiounslinn weider gefouert, grad wéi deem säin Nofollëger, den Edem. De Betrib ass gewues an ee Familijebetrib bliwwen.

Et ass jo normal, dass bei all deem Wuesstum, och während dem Adolf H. sénger Herrschaft, dësen Familjebetriib senger traditionneller well kommerziell erfollegräicher, Strategie, trei bliwwen ass. A sech entspriechend positionnéiert. Dat mecht all Medium, op dësen oder Fox oder Breitbart oder RT oder oder. De rezenten „Chefsaach“ Titel, am Kader iwwer d’Syfelblackboxenproblematik vum selwechten Medium, ass grad esou tendenziös wéi plakativ (a net korrekt, esou den Innenminister op fb). A confirméiert d’Familijetradtiounslinn vum Haus.

Apropos, dese Kommunikatiounskonglomerat ass ee kommerziellen Betrib, deen fir (Reklamme)Recetten fonctionnéiert. Alles anescht schéngt Mëttel zum Zweck. Zum Reklammenbezuelprinzip gehéieren Quoten i.e. quotenträchteg Inhalter. Pertinent, pondéréiert, modéréiert Informatioun duerch villschichteg Recherche ass net quotesexy. Dat ereecht een éischter duerch Provokatioun a Sectarisme. D’Geschicht vum kreative Montage vum Interview mat dem aggro Muséesdirekter an dem Sophie mat herno der Schramm, trëfft diesbezüglech de Nol op de Kapp. Oder war dat eng Ausnahm? D’Ausnahm bestätegt d’Regel! A schengt ganz vill iwwer d’Method vum Haus auszesoen. An d’Glafwiirdegkeet. Mee déi ass an dësem Kontext net essentiel, fir d’Redaktiounslinn vum Haus an d’Quoten.

Och wann de Medium no baussen probéiert de Géigendeel ze vermëttelen. Et ass souwisou keen objektiv. Et ass näischt gratuit.

Och net d’Opreegung vun der benodeelegter Partei. Dat Ganzt bréngt Opmierksamkeet. Medien a Politik: même combat.

Cool ee Mikro ënnert der Nues fir een Inhalt ze kommunizéieren.

NJP2016 NJP 2017

2016 an 2017 (screenshot rtl.lu)

Den Hiweis, dass déi gréng déi pondéréiert, pertinent, gutt duerchduerchten an analyséiert Inhalter a Léisungen liwweren, mat oder ouni 157 Fotoen, därf zu gudder Lescht net fehlen. A Spëtzekandidaten hun déi Stater gréng och. Fotogen Topleit!

Sam Tanson a François Benoy: Spëtzekandidaten déi gréng Stad

Capture d_écran 2017-03-16 à 23.20.09 François Benoy

Kategorien
Uncategorized

Duerch Beggen op d’Hirzemauer, eng deliberativ Rees.

Wéi grouss d’Erwaardungen sinn un den Tram erkennt een un de Reaktiounen op rtl.lu wéi dëser Deeg d’Nimm vun den éischten Halten bekannt gemaach gi sinn. Luxtram schreiwt si sollen liicht ze verhalen sinn, no enger geografescher Logik an « des noms représentatifs de l’histoire de la culture » an op lëtzebuergesch.

Besonnesch kreativ hun ech déi fonnt déi méi Kreativitéit erwaard haten. Ma, ech froen mech : Wéi ass dat gemengt ? Wéi soll dat goen ? Wat heescht dat ? Soll een den Halt bei der Rouder Bréck « Gréng Bréck » nennen ? Fir déi artistesch cultivéiert liicht eraus ze fannen. Déi aner fannen en nët. Den Halt e bëssi méi d’Strooss erop kéint « op der Hirzemauer » heeschen an all Lötzöboia wees wou en ass. Oder hien freet een Tourist. Och fir den Arrêt « Pärtsmaaart».

luxtram-panneau

Et ass sech och gefrot ginn firwat sénger Zäit, Ufank de 60er, den Tram ofgeschaff gouf oder firwat net moderniséiert. Deemols hat d’Stad net grad 60.000 Awunner. Am ganze Land gouf et 28.020 Autoën fir 315.000 Awunner mat 137.000 Aarbechtsplazen. Do war vill Plaz. Déi grouss Fräiheet konnt, obwuel den Tram duerch Beggen bis op Steesel gefuer ass an trotz vill manner Kilometer Makadamm, ouni Stau ausgeliewt ginn. Den Auto hat och méi gemittlech, gepolstert Sëtzer, wéi den Tram mat séngen Holzbänken. En huet manner gestuckelt e gerëselt. Suguer d’Busser hun deemols dem Usager méi Comfort offréiert wéi den Tram. An déi nei Busarrêten haten Nimm vu Plazen a Stroossen, grad wéi den Tram virdrunn, fir sech rëm ze fannen.

Deemols war den Tram eben ausgeleiert an den Auto ass ugesinn ginn als dee beschten Moyen fir déi grouss Trajetën (de Velo war deemols awer och schon dee beschten Moyen fir déi kuerz Weeër. An natiirlech d’Been an d’Féiss). Deemno alles fir den Auto, an den Auto, op dem Auto. Dat war deemols esou. Et ass esou geduecht ginn a vill Parameter hun gleewen gedoen, dass dat esou richteg ass a war.

Senger Zäit, bis 1963, war den Emile Hamilius, vun der DP, Stater Buergermeeschter. D’Land gouf régéiert vun enger CSV/LSAP Koalitioun bis 1959, dunn bis 1964 war CSV/DP. Si sinn dovunn ausgaang, dass d’Ländchen sech no a no entwéckelt. Gemittlech eben. D’Chiffren soen dat och aus: Ufank den 80er gouf et mol keng 100.000 Autoën, awer ëmmer méi décker, mat méi cm3, bei 365.000 Awunner. An der Stad hun 77.000 Leit gewunnt. Während der Zäit ass d’Eisebunn elekrifizéiert ginn an d’Rout Bréck gebaut.

Och wann vill Leit sech deemols een Auto leeschten wollten an no a no ëmmer méi Leit dat och konnten, hat keen domat gerechent, dass et Ufank 2017 heesche geng, dass Lëtzebuerg geschwënn méi Vehikelen huet wéi Awunner: et ginn am Januar vun dësem Joer, 518.280 Vehikelen an 576.000 Awunner. Et gëtt hei Aarbecht fir 424.000 Leit. Dofir brauch d’Land d’Hëllef vun 180.482 Frontalieren. D’Stad huet elo 116.000 Awunner.

Op eemol goung et lass, Enn 80er Ufank 90er Joren, mam Wuesstum op ville Niveauën : Aarbechtsplazen, Autoen, Awunner,…. just d’Infrastrukturen an d’Pläng fir d’Entwecklung vum Land, dat net méi grouss ginn ass, 2.586 Quadratkilometer, si net mat gewues, Ufank de 90er an am neien Joerdausend. Wat war verpasst ginn? Wien hat geschlof oder wollt keng ënnerhuelen.

Natiirlech ass dat esou eng Saach mat Pronostiker. Den däitsche Keeser Wilhelm II sot 1904 wéi hien an engem Mercedes Simplex soutz « das Auto hat keine Zukunft. Ich setze auf das Pferd ». An de Gottlieb Daimler huet 1901 gemengt « Die weltweite Nachfrage nach Kraftfahrzeugen wird eine Million nicht überschreiten – allein schon aus Mangel an verfügbaren Chauffeuren ». Haut wësse mir et op der enger Säit besser. Op der aner Säit, ginn et zwar vill méi Leit déi furen därfen, mee op dat all valabel Chauffeuren sinn?

Mee bon, et ass och geschlof a gezeckt ginn. De Problem war jo bekannt. D’Stauën an den alldeeglechen Verkéierschaos ze prognostizéieren war bei onverännerter Politik net schwéier an et ass jo och esou komm. De Statec schreiwt 1999 « l’outil primaire de toute modération de la circulation est une redistribution de l’espace routier parmi les différents utilisateurs ».

deigrengstad-beggen

déi Gréng Stad informéieren iwwer d’Ännerungen an d’Verbesserungen a Saache Mobilitéit. Hei de 7. Februar 2017 zu Beggen, v.l.: Carlo Back, Claudie Reyland, Sam Tanson, François Bausch, Viviane Loschetter a François Benoy.

Eng rezent Etude vun TomTom (déi vun de GPS-Gadgeten) huet nach eng Kéier däitlech op d’Mobilitéitsproblemer hei am Land higewisen: et ginn zënter Joren méi Stauën a si gi méi laang, 153 Stonnen am Joër oder 19 Deeg. Wéi am bella Napoli, schreiwen se am Wort. Dat ass vill falsch verbrauchten Zäit. Mee net just dowéinst, och zBsp. wéinst den Ofgasen, ass et Zäit ginn, dass eng aner Mobilitéit réaliséiert gëtt. Da geschidd elo endlech am Land an ass scho virdrunn an der Stad gemaach ginn.

Den Interessi un den Tramstatiounsnimm huet och op ee groussen Wëllen higewisen konstruktiv deel ze huelen. Eng wichteg Komponent fir eng Demokratie. Et gouf sech d’Fro gestallt wisou Luxtram iwwer d’Nimm décidéiert, dat wir jo eng Firma a net demokratesch. Och heiansdo ee Referendum geet net duer well dat zum daxten den Oninforméierten et einfach mecht nom Motto « if you don’t know say no ». Informéiert sinn ass eppes Aktives, op béide Säiten.

Et huet een un de Reaktiounen op d’Tramstatiounsnimm och erkannt wéi aléng verschidde Leit si musse.

Sources: luxtram.lu; rtl.lu; L’Essentiel 10/01/2017 ; «Wer wir waren», Roger Willemsen, S. Fischer Verlag GmbH, 2016; Wort, 24/02/2017; «L’Economie luxembourgeoise au 20e siècle», Statec, éditpress, Editions Le Phare, 1999; statec.lu; «Gegen Wahlen», David Van Reybrouck, Wallstein Verlag, 2013
Kategorien
Uncategorized

Beuys a Picasso Scharlatanen?

Dëser Deeg huet mäi Basketball Club, de Stater Racing, am Tramsschapp den Enn vun der Saison 2015/16 gefeiert: Spiller, Supporter, Partner, déi ganz Basket Racing Famill war do fir um BBB Owend (Beer, Burger, Basketball) d’Saison auskléngen ze loossen.

Et war eng Saison wéi déi aner ronn 500 Sportsveräiner hei am Land se och kennen: eng mat Héichten a Déiften. D’Stëmmung war gutt, trotz den Déiften, well mir wëssen, dass ee Sportveräin méi ass wéi just déi sportlech Resultater.

Zënter 2012 sinn ech President vum Stater Racing. Wéinst dëser Fonctioun hat de François Aulner, Journalist beim soziokuluturellen Radio, mech, an aner Sportsdirigenten vun Stater Clibb, Armand Drews an Emile Hermes, invitéiert fir iwwer d’Situatioun vun de Sportsveräiner ze schwetzen. De Journalist vum 100komma7 hat ee radiophonen Dossier zesummen gestallt (hei) op Grond vun enger Initiative vum Armand Drews, selwer een engagéierten Futtballfonctionnaire a Gemengerot an der Stad. Hien freet no méi Ënnerstëtzung fir déi „sozial“ Aarbecht, déi Sportsveräiner leeschten.

Jiddereen wees, dass Sport gutt ass fir d’Gesondheet. 130.000 Leit sinn hei am Land an hirer Fräizäit ongezwongen, i.e. ausserhalb vun der Schoul, direkt oder indirekt féderéiert, sportlech aktiv. An dat fir hir Gesondheet, kreeslaftechnesch, ergonomesch, mental. Alles gutt. Offiziell Campagnen an Initiativen weisen ëmmer nees op dësen Mehrwert hin a probéieren d’Bierger ze motivéieren fir e bëssen ze wackelen.

An da ginn et nach déi déi, méi oder wéineger serieux structuréiert, Compétitiounssport maachen. De Compétitiounssport ass duerch Clibb a Verbänn organiséiert. De Laurent Schüssler beschreiwt* déi bizarre Situatioun an der den ierwechten Lëtzebuerger Sportsverband, den COSL, an den zoustännegen Ministère sech géigesäiteg de Ball zouspillen, awer leider net am Sënn fir mateneen ze spillen, mee am Sënn „huel du en, ech hun en och nët“, well et keen koherent Konzept gëtt fir de Sport hei am Land gëtt an och d’Dynamik feelt. Dat ass net nei **. Ee waard op deen aneren.

Et ginn der och déi mengen, dass de Sport eng reng Privatssach ass an sech selwer finanzéieren soll. Mee, dat wat verschidden Dirigenten vun de privat organiséierten a privat kontrolléierten Weltverbänn sech erausgeholl hun ass onverschimt. Do hat een zevill gewärden gelooss an et stellt sech zurecht d’Fro op et nët bësser ass, dass déi demokratesch légitiméiert Organer sech amëschen, net sporttechnesch inhaltlech, mee fir de Kader ze setzen.

De Sport huet dann och een ähnlech Problem wéi d’Kultur: „wenn man selbst jahrzehntelang um Geld gebettelt hat, mit der Verwaltung gestritten, Politiker mühsam davon überzeugt, dass weder Picasso noch Beuys Scharlatane seien, die nichts anderes im Sinn haben, als den Leuten das Geld aus der Tasche zu ziehen,…dann hat ein solcher Rückblick etwas Tröstliches wenn man sieht was am Ende schliesslich heraus gekommen ist“***. Dat deet mech och un déi vill, zum groussen Deel bénévol am Sport engagéiert Leit denken. Sinn si Scharlatenen?

Dat schéngt mir net well et 1. entretemps an den Zifferen beluecht ass: een Euro deen an de Sport investéiert gëtt, produzéiert eng Ristourne fir d’Gesellschaft vu sechs Euros ****. Eng formidabel Rendit. An nët just pécuniaire.

Well 2.: Sport bréngt zesummen: hei an hei

Am Sport léiert een, een deen aner ze respektéieren. Mat deem Aneren sengen Stärkten a Schwächten, a mat séngen eegenen, ëmzegoen. Duerch de Sport übt een, sech innerhalb vun Regelen ze bewegen. De Filou an engem gëtt gefuedert an trainéiert. Entspriechend gëtt een am Sport gewuer, wéi iergerlech et ass wa gefuddelt gëtt a wéi ongerecht dat ka sinn. Grad wéi am Liewen ausserhalb vum Sport. Et léiert een domat ëm ze goen.

Och léiert een ze gewannen. Würdeg ze gewannen. De Matstreider ze respektéieren, Ouni de Mastreider dee mat mecht a verléiert, kann deen aner net gewannen. Dat ass souzesoen eng Zort Solidaritéit léieren.

Duerch de Sport léiert een op een Zil hin ze schaffen: sieff et aleng déi 42,195 Km Distanz vum Marathon packen oder zesummen, an der Equipe eng Championstitel oder ee Blummendëppen ze gewannen. Et ass een „on a mission“, egal op mat der Théikenéquipe oder een olympesche Projet.

Kuerz a gutt, Sport ass geliewtenen Wertegesondheetsunterricht.

D’Terrassementsaarbechten fir de neie Rugbystadion op der Kockelscheier kaschten 8 Milliounen. Jidderengem liicht an, dass esou ee Stadion een zolid Fondament brauch. Et geet net nëmmen em Investissementer an Infrastrukturen, mee och ëm Investissementer an d’Fundament vum Zesummenliewen. Em Ënnerstëtzung, fir d’Sportler, fir d’Bénévolen.

*Luxemburger Wort vum 16/17 Abrëll 2016, S.13. ** „Life after Sports“ Editions Sport Promotion sàrl *** Karl Ruhrberg „ Bilder für eine Sammlung“, Museum Folkwang Essen, DuMont, S. 25.,**** de Sportminister op der a.g. 2016 vum COSL

 

 

Kategorien
Demokratie Uncategorized

Vill Kräid friessen?!

Dëser Deeg huet ee Kolleg gemengt, ech, als Gréngen, misst vill Kräid friessen, mat all deenen Zougeständnisser, déi mir, déi gréng, als Koalitiounspartner an der Regierung, maachen missten. Dat héiert een dax. Et gi sech Gedanken gemaach doriwwer, wéi et méiglech ass gréng Grondsätz an Regierungsverantwortung op eng Rei e kréien.

Eng Wochenzeitung stellt a sénger Ausgab nom Kongress den 19.März, d’Fro: „Grünkernpartei: Schläfst du noch oder regierst du schon?“*. Eng aner weist sech verwonnert, dass bei deem selwechten Kongress „blieben die Grabenkämpfe aus“ **.

IMG_5105

Fir z’explizéieren a Froen ze beäntwerten ginn déi gréng am Moment op de Tour. En Dënsdeg, 13. Abrëll, ware si an der Stad am Casino syndical zu Bouneweg. Si waren bal all do. De Felix an de Fränz haten déiselwecht Cravatte un. De Gérard wéi gewinnt ee peppegt Hiem, de Claude war ee man in black, iwwerdeems de Roberto dynamesch locker, flockeg um Stull soutz a gelauschtert huet wat d’Viviane a sénger Introductioun an dono déi gréng Regierungsmember, dem bal ganz ordentlech gefëlltene Sall an der interesséierter Audience, wéi ëmmer kompetent, anschaulech a rhethoresch geschlaff, gesot hun.

Et ass de Verglach « vorher-nachher », deen am däitlechsten de gréngen Input weist : den Heng hat et bei sénger Budgetsried gesot, de Fränz widerhëllt et: virdrunn 2/3 vun den Infrastrukturinvestitiounen a Stroossen, just 1/3 an öffentlechen Transport an douce Mobilitéit. Elo ass et ëmgedréint: de groussen Deel ass fir Alternativen zum Autosverkéier. Et sinn Investissementer op ganz héichem Niveau net just wat d’Zommen ugeet, mee och de nohaltegen Mehrwert. Deemno, war et fir Grénger vill Kräid friessen, ze gesinn wéi et virdrunn goung, nämlech de BNP op Wuestum trimmen awer déi noutwendeg Infrastrukturen op allen Niveauën net mat plangen a bauen.

D’Wuesstumsparadigma wéi en virdrunn ëmgesat gouf hat och ganz wéineg mat Naturschutz ze doen. Während 20 Joer ass keng eenzeg Waasserschutzzon geschafe ginn. Elo, an der Halschend sinn et der Fënnef. Siwen stinn kuerz virum Ofschlos. Aacht aner sinn an der Maach. Bei de Kläranlagen, si bis Enn 2018 de Retard an d’Strofen, déi d’Land duerch jorzéngten laangen Désinteressi an Ondécisioun agebrockt krut, ofgeschaaft.

Wat déi schiedlech Emweltemissiounen ugeet ass Lëtzebuerg zënter elo, dh, déi éischte Kéier zënter dem Protokoll vum Kyoto 1997, on track wat séng Engagementer ugeet. Dat ass een Ufank. Et geet nach besser. A wann laanscht eng Strooss, op der et vill Akzidenter gëtt, 15 Beem, déi zwar wirklech net dofir kënnen wann ee Chauffeur säi Vehikel falsch pilotéiert, ewäch gemaach ginn, a Plaz wéi déi virdrun geplangt 150 Beem, dann ass dat eng wesentlech Verbesserung duerch gréngen Afloss.

De Fränz huet et färdeg bruecht, dass den neoliberalen Prinzip, vun der Privatiséierung vum öffentlech Transport an Europa, gestoppt gouf. De Felix setzt iwwerdeems liberal, gesellschaftspolitesch Akzenter andeems hien schwiereg Dossier, déi jorelaang net virukomm sinn opgräift. Et gëtt elo novelléiert am Jugendschutz, an der exécution des peines, am Familjerecht (autorité parentale, filiatioun, etc.). Als éischten Minister hëllt hien de SCAS, d’Poubelle vun der Justiz, wéi eng Wochenzeitung viru laanger Zäit eemol geschriwwen hat, eecht a gëtt dësem Service Moyën fir seng Aarbecht. Et ass eng gréng Attitude wann ee schwiereg Projetën ugeet, virun an zu Enn bréngt. Virdrunn gouf et 10-15 Joren batteren far niente.

IMG_5099

Aner Domainer an deenen et reell Changementer ginn, och wann se op der Uewerfläch manner visible sinn, zum Beispill de Positionnement vu der Finanzplaz. Si ass elo manner een Deel vum Problem, mee een Deel vun der Léisung.

Et ass eng besser Philosophie dovun aus ze goen, dass mir all zesummen hei sinn a net jhiddereen eleng fir sech. Mir gesinn dat wat mir elo schaffen als eng Gruppenaarbecht, intern, bei ons gréng an och an der Koalitioun. An deem Sënn gëtt et wuel sachlech Disukussiounen awer keng „Grabenkämpfe“. Koalitiounspartner picken sech net géigesäiteg mat glëtschegen questions parlementaires. De Koalitiounsvertrag gëtt iwwerluecht ëmgesat.

Am Moment ass Hallefzäit.

Si mir Haut do, wou mir onsen gréngen Ideeën no wéilten sinn? Neen! Kënnen mir ons elo schon zefridden zréckleeën? Och net! Mee ass d’Situation elo besser wéi virdrunn? Jo!

A mir maachen weider. Ech freeën mech weier gréngs ze genéissen.

IMG_5108

*De Feierkrop, No 1066. **Revue No 12, 23.03 2016 (och déi ënnescht Foto).

Kategorien
Uncategorized

COP21: eine Vermessung

Ban Ki-moon war da. Obama und Xavier Bettel auch, ebenso Merkel, und jede Menge Regierungschefs fast aller Länder. Mittendrin, als ehrliche Maklerin, glaubwürdig weil fachkundig, Luxemburgs Umweltministerin Carole Dieschbourg. Auch in Paris mit dabei : viele tausende Klimaaktivisten. Sie stehen für den steigenden Druck durch die stetig besser informierte Bevölkerung.

Es ging in Paris, und es wird danach weiter darum gehen, die Welt zu retten, vor der Klimawandelgefahr. Sie wird beschrieben in den 1.535 Seiten des technischen Berichts der AG 1 des IPCC (Intergovernmental Panel of Climate Change, 1988 gegründet), dessen Synthesebericht vom November 2014 unzweideutig ist : « die Erwärmung des Klimasystems ist eindeutig ». Da unsere Infrastruktur, unser Planet, nicht darauf ausgelegt ist, mit einem Klimawandel zurechtzukommen, den wir selbst provozieren, sondern für das bewährte, millionenjahrealte Klimasystem, das die Menschheit geerbt hat, muss etwas geschehen.

Viv a Paul Cop21 Demo

Man einigte sich auf den einzigen Ausweg : die Verminderung des Kohlenstoffausstoßes bei der Energiegewinnung, sowie regelmässige Kontrollen und Ausgleichszahlungen an die ärmeren Länder. In diesen Ländern gibt es Probleme, wie die Unterernährung, die kurzfristig zum Überleben wichtiger sind als der Klimawandel. Der Gini Koeffizient von, für den Gleichheitsweltvergleich, noch nie dagewesenen 0,70, spricht Bände. (O bedeutet perfekte Gleichheit. In den USA und in Europa liegt er bei 0,25 bzw. O,30, Tendenz steigend). Entsprechend müssen die abgemachten Ausgleichszahlungen nachhaltige Investionen in einen besseren Lebenstandard sein. Dies ist der einzige Weg soziales Chaos, Not und Elend zu vermeiden. Das Ziel muss Wohlergehen sein.

Die Übereinkunft von Paris ist ein gigantischer Schritt wenn man weiss, daß laut Internationaler Energie Agentur, die Förderung fossiler Brennstoffe immer noch mit jährlich 500 Milliarden Dollar subventionniert wird. Sechsmal soviel, wie man für die Förderung erneuerbarer Energie ausgibt. Um den Beschluss in die Tat umzusetzen, braucht es daher einen großen Wandel der ökonomischen Struktur. Ohne Schrumpfung in verschiedenen Branchen, vor allem jenen die durch die Verbrennung von Kohlenstoff viel Geld verdienen wollen, wird es nicht gehen. Man wird sich daher auch mit diesen, eher kurzfristig angelegten Einnahmenbereichen des luxemburger Modells, dem Tanktourismus, auseinander setzen müssen. Oha ! Das bedeutet ebenfalls: Obacht vor den Härtefällen, vor allem den Gefühlten ! Sowie, nicht jede vom Erdölverkauf abhängende Regierung war, wenigstens hierzulande, weitsichtig genug den Einnahmenüberschuss in Reserven anzulegen oder zumindest sinnvoll zu investieren. Steuergeschenke waren der kurzfristig einfachere Weg zum Machterhalt.

All diese Fortschritte werden schwierig wenn andere Kräfte, zum Beispiel die Erdölmultis, den Wandel verhindern wollen. Deshalb bedarf es der Lenkung des Wachstums durch die Politik. Dieser Wandel ist nicht zu schaffen mit dem Kapitalismus wie wir ihn zurzeit definieren. Es läuft auf einen Konflikt mit dem Neoliberalismus hinaus. Eine spannende Angelegenheit, da der neoliberale Zeitgeist in den letzten Jahren das Denken geprägt hat. Beispielsweise müssten die in Ausarbeitung befindlichen internationalen Handelsabkommen à la T-TIPP und CETA konsequenterweise sehr anders ausfallen als die bisherigen und von neoliberalen Strippenziehern vorgesehen.

Andere Bereiche, jene die emissionsarm sind, müssen wachsen. So wird man die Städte umbauen um eine andere Mobilität zu erlangen, um die Abhängigkeit vom Auto loszuwerden. Das bedeutet in den öffentlichen Verkehr investieren, Schienennetze ausbauen, die sanfte Mobilität fördern. Stellenwerte werden wechseln. Von selber geht das nicht. Nach jahrelangem Zaudern geschieht dies alles endlich jetzt hier. Die Einnahmen des Tanktourismus in das fürs Luxemburgische Wachstumsmodell notwendige Infrastrukturen zu investieren, geschah unvernünftigerweise nicht. Zu den weiteren notwendigen Investitionen gehört unzweifelhaft die Förderung der Forschung, sowie und noch besser, das Umsteigen, auf erneuerbare Energien. Wind-, Solarenergie und Biomasse müssen besser genutzt werden.

Aus Vernunft, um den Klimwandel zu verhindern, aber auch mittels gezielter Anreize, passen mittlerweile viele Privatpersonen ihre Lebensweise an : sie fahren mit dem Rad, benutzen die öffentlichen Verkehrsmittel, vermeiden unnötige Autofahrten. Sie installieren Solaranlagen oder verbessern die Dämmung und Heizanlage der Wohnung. Es sind Investitionen in eine nachhaltige Entwicklung zugunsten künftiger Generationen.

Der Zynismus mit dem man der Klimakonferenz im Vorfeld begegnete, wegen des jahrzehntenlangem Nichtstun im Kampf gegen die globalen Kohlenstoff-Emissionen, ist einer Aufbruchsstimmung gewichen. Den Versprechen müssen nun konkrete Maßnahmen folgen. Daran wird die COP21 gemessen.

Dësen Aufsatz ass a méi kuerzer Form am „Land“ vum 8. Januar 2016 an der Rubrik „zu Gast im Land“ veröffentlecht ginn.

Foto: rtl.lu

Referenzen :

2°C, Chris Rapley & Duncan MacMillen (Droemer, 2015)

greng.lu

Brennpunkt Drëtt Welt, Nr 261, februar 2011, astm

Taz zeozwei, 02.2015

Alternatives Economiques, hors-série no. 102, octobre 2014

Foreign Affairs January/February 2016