Kategorie: enmarcheopdeknuedler

Kategorien
Energie enmarcheopdeknuedler grengwierkt Mobilitéit Partizipatioun stadlëtzebuerg zukunft

Klimaziler fir d’Stad Lëtzebuerg

De 5. November hunn d’Linda Gaasch, de François Benoy an ech fir déi gréng Stad Lëtzebuerg konkret Proposen virgestallt fir eng klimaneutral Stad Lëtzebuerg. Hei meng Présentatioun:

Wa mir vun enger klimaneutraler Stad schwetzen, dann inkludéiert dat eng ganz Parti Elementer: de François Benoy huet elo vun engem aneren Urbanismus geschwat an och enger anerer Mobilitéit. Des aner Mobilitéit huet e.A. mat der Reduktioun vun onsem Appetit un Energie ze dinn. D’Linda Gaasch schwetzt duerno iwwer den intelligenten Verbrauch vu Ressourcen, also och der Reduktioun vum Appetit un Energie an och wéi mir zesummen bei eng klimaneutral Stad kommen.

Esou eng klimaneutral Stad huet och oder villeicht ganz vill, mat dem Gebrauch vun aneren Energien wéi déi vun bis elo, ze dinn. Et geet jo em net méi oder manner, wéi déi gesamt al Energien, duerch erneierbar Energien ze ersetzen.

Dat heescht: et muss ee genug „produzéieren“. Also Energie aus erneierbaren Quellen opbereeden, fir dass se fir ons notzbar ass.

Ech erënneren un Leitsaz dee mer aus de Chimie a Physik kennen: « rien ne se crée, rien ne se perd, tout se transforme » (Bsp : fir 7. Liter Bensin op ze bereeden fir 100 km furen ze kënnen, sinn 11 KWH Stroum néideg, genug fir 65-85 km mat E-Auto ze furen). Et geet also em Transformatioun, mat der Nuance, dass déi final Transformatioun, déi mir Verbrauch nennen, bei den erneierbaren Energien, keng Zäregasen, keen CO2, produzéiert. De Challenge ass, dës Transformatioun esou geschmeideg wéi méiglech, dat heescht mat esou mann wéi méiglech Verloschter, hin ze kréien. Beim Solarstroum sinn des Verloschter relativ kleng.

Deemno fir d’Productioun sprech Transformatiouin, a grousse Quantitéiten, do eegent sech d’Photovoltaik am beschten. D’PV buet zudeem eng grouss Akzeptanz, well si ass moduléierbar en Fonctioun vum Besoin an relativ easy to treat. Anescht zwar wéi déi gewinnten Manéier, mee awer net komplizéiert. Si ass upassbar.

Och hei an der Stad mat hiren 20.000 Gebeier. Dovun, sinn der Ronn 800 d’Propriétéit vun der Gemeng. Dat ass eng grouss Zuel. Par contre a leider ass d’Zuel vun PV Anlagen op dëse Gebeier vun der VdL nawell kleng. Grad emol 2 % vum Potential gëtt profitéiert. Zirka 220 KWp Anlagen goufen bis elo installéiert.

Mir hunn ausgrechent dass awer ronn 10.000 KWp méiglech wiren.

Am Prinzip 800 – 1000 KWH pro KWp -> elektresche Stroum 9.000.000 KWStonnen (9.000 MWh) also fir ronn 2500 Haushalter oder 9.000 – 10.000 Leit. Oder genug fir de Fonctionnement vun alle Kläranlagen an der Stad oder dee vun de Pompelstatiounen, Sprangburen, Réservoiren, plus Eclairage public a soss Beliichtungen vun 2019 zum Beispill.

Et kënnt op all KiloWattStonn un. Et ass eng Aufgab vun ons all: vum big player, der Industrie bis deen eenzelnen. Wa méiglech mat enger Gemeng als Virbild, Virreider.

Well et op jiddereen, op all Daach ukënnt, hu mir och gerechent wat soss d’Potential ass vun all den Diecher an der Stad. Kleng gerechent, mam Solarkadatser op geoportail, komme mir do op 7.500 Heiser vun den 20.000 Heiser déi sech eegenen géngen. Dat ass net iwwerdriwwen..

D‘Ausriichtung vun den Heiser ass ee Facteur awer manner wéi un den Ufäng vun der PV, deemols als virun allem de Süden uviséiert ginn. Entretemps ass d’Technik, notamment d’Sensibilitéit vun PV Panneau esou gutt, dass een och mat Ost-West ausgeriichtenen Anlagen gutt Stroum ka produzéiert ginn. An der Moyenne kann een do 8 KWPeak Anlagen opriichten.

D’Rechnung ass einfach: 7500 x 8 : Also genug fir -> 60.000 KWp, deemno 60.000.000.000 KWh also fir bal 60.000 Persounen. Deemno kënne  ir an der Stad also eleng mat PV d’Halschend vum Elektresch Verbrauch vun de Bierger couvréieren.

Dofir fannen mir, dass bei déi staatlech Ënnerstëtzung fir eng PV Anlag, d’VdL och nach nach zousätzlech ee Ureiz schafe soll notamment bei den Installatiounskäschten.

Dat selwecht, also nach een zousätzlechen Ureiz, stelle mir ons och fir d’Installatioun vun emissiounsfräien Heizsystemer vir. Stéchwuert. Wärmepompel.

An da si mir beim zweeten Aspekt fir eng klimaneutral Stad: d’Systemer, déi bis elo mat den alen, net méi zäitgenässen Energien fonctionnéieren, op der nei, klimafrëndlech ëmstellen. D’Heizung ass esou ee System. An dat ass en domaine mat engem richtegen, gewaltege Impakt, well d’énergie thermique dat sinn 75 % vum CO2 an der Stad – wann een den Stroum net mat aberechent. Mam Stroum ass den Undeel  um CO2 vun der énergie thermique 56 %. De Stroum ass nach net décarboniséiert, mee huet awer een héicht Potential fir Décabornisatioun. Bei de fossilen Energieträger, déi fir ze hëtze benotzt ginn, geschidd dat mat 1/3 mat Mazout, 2/3 si Gas. Dat ass ee gutt Beispill fir eng noutwendeg, zäitno Ëmstellung, fort vun de fossilen.

Et fàllt engem och op, dass wieder de Gazrésau ausgebaut gëtt. Et gi wieder derer Leitungen geluecht Dat ass zwar wéi et ëmmer gemaach ginn ass, wéi fréier, mee net zukunftsorientéiert. Besser wier ee Wärmerésau, alimentéiert a gehëtzt aus marginal, der Iwwerproduktioun vu Solarstroum (während peak Stonnen). Op déi Manéier mécht een och eppes fir „flatten the curve“. Mir hu geléiert, dass dat wichteg ass. Méi ee grousst Potential dofir hunn awer Biogas an Holzpellets. Eng aner Alternativ ass fir vum Gazréseau fort ze kommen, wéi ech virdru schon ernimmt hat, Primme fir Wärmepompelen.

Et geet wéi gesot, dorëms de Fonctionnement vun de verschiddensten Systemer op klimafrëndlech ëmzestellen. Dat gëllt och fir de Fuhrpark vun der Stad Lëtzebuerg. 2 Prozent sinn elektresch. Och do ass ee groust Potential. Et soll ee sech näischt virmaachen: och des Ëmstellung muss kommen. Mee et kann een awer nach wieder Zäit verléieren. An de nexten Joeren stellt sech och d’Camionsproduktioun weltwäit ëm, vu Verbrennermotoren op elektresch. Am Bussecteur kenne mir dat jo schon. Technik ass do, d’Suen sinn et och. Et feelt vläicht den Interessi et ze maachen beim Fuhrpark.

Bon, elo kann ee jo der Meenung sinn, dass een als Gemeng net selwer soll PV Anlagen installéieren. Da fanne mir et soll een déi disponible Flächen, mir hun d’Rechnung virdru gemaach, deene Leit zur Verfügung stellen, déi keen eegene Daach hunn, zum Beispill als Locataire oder an engem Appartementshaus oder an enger Copropriétéit, fir awer aktiv un der Energietransitioun mat ze schaffen, een Deel dovun ze sinn. Ech schwetzen vun de Biergerkooperativen. De participative Volet. D‘Linda Gaasch schwetz herno iwwer déi Idee. D’Leit inkludéieren, mat abannen.

Ee vun der Energietransitioun, och hei an der Stad, ech hat e virdunn ernimmt, ass jo den Appetit un Energie erof ze setzen. Dozou gehéiert eng Auswertung iwwer d’Energiewerter vu Gebeier. Den Energiepass. Den Energiepass bei de Gebeier vun der VdL ass eng laang Geschicht Déi éischt goufen 2010 ausgestallt, zënter 2018 stagnéiert et a just d’Halschend vun de ronn 800 Gebeier hunn een. Déi éischt, déi ausgestallt goufen, riskéieren of ze lafen. Och eng Fro un de Schäfferot vum Carlo Back am Dezember 2019 huet keng concluant Äntwert bruecht. Net verstoen kann ech, firwat, dass net un deenen Gebeier wou d’Werter bekannt sinn, geschafft gëtt i.e. ne tun der sobriété énergétique vun deene Gebeier verbessert gëtt.

Dat gesot: fir ons ass et wichteg fir eng klimaneutral Stad ze ginn:

– Photovoltaik ze fördern, also d’Produktioun vun erneierbaren Energien.

– Gescheck ze maachen bei der Ännerungen vun de Systemer hin zu den erneierbaren Energien.

– manner Energie verbrauchen also d‘Ressourcen schounen, manner verbrauchen.

Merci.

Hei alles

D’Reportage op RTL hei

Den Artikel am Tageblatt hei

Kategorien
Demokratie enmarcheopdeknuedler grengwierkt integratitiv Kreativitéit Partizipatioun stadlëtzebuerg

Countdown -1 (07-10-2017)

Ech erlabe mir drop opmierksam ze maachen, das Reihenfolg um Walbulletin, ausser denn zwou éischten Positiounen bei ons, déi gréng, Lëscht 1, alphabetesch ass. Sollt zum Beispill e mam „Z“ total vill Stëmmen kréien, dann ass dat voll korrekt a sënnvoll.

All déi aner Regelen sinn bei Wahlbureau affichéiert a stinn op der Convocatioun.

Ween dee mam „Z“ ass, ass gutt ze wëssen, schlisslech geet dorëmms deen/déi ze bestëmmen ween „the most wise and good“ ass fir fir the „common good of society“ ze schaffen.

Joergang 1965, 2 Meedercher, 1,83 m, 82 kg.

Wunnen zu Lëtzebuerg , an der Stadt Lëtzebuerg um Kirchberg-Schoettermarjal.

Politesch bei déi gréng zënter 1995

Member C.E.X. (Comité exécutif) zënter 2011
Member Gender Rot, zënter 2017
Sekretär von der Lokalsektion déi gréng Stad Lëtzebuerg, zënter 2012
Commissions consultatives Ville de Luxembourg:

Action sociale, santé et 3e âge (vice-président)
Enfance
Sports et loisirs
Formatioun:

Infirmier gradué social
Assistant d’hygiène sociale (EIULB Ecole des Infirmiers annexé à l’ULB)
spécialiste en sciences humaines
Master Européen en Management des Organisations sportives (MEMOS IV)
Schaff:

Zënter 1995: Parquet Général S.C.A.S. (Service Central d’Assistance Sociale)
1991 – 1995: Croix-Rouge Luxembourgeoise & Ligue d’Action médico-sociale
Bénévolater:

Zënter 2011: President US Basket Racing Luxembourg
1995 – 2015: Coordinateur sportif C.A. Celtic Diekirch
2009 – 2013: Secretary European Athletics working group for club affairs
2003 – 2009. Secretary European Champions Clubs Cup Juniors
1995 – 2002: Secrétaire général Fédération Luxembourgeoise d’Athlétisme (F.L.A.)
1982 – 1991: Président Club des Jeunes Ermsdorf

HëftgoldMondzou-2
An eng Partei goen, ass e bëssen eng aner Décisioun wéi Member a soss engem Veräin ze ginn. Et ass anescht well een sech fest leet. Et „out“ ee sech wat séng Vue op d’Welt ugeet. Fussball spillen oder Saxophone ass eng Saach, ee gréngen sinn ass eng aner. An enger Partei engagéiert ze sinn ass net rondrëm Gespills, näischt Theoretesches, keng intellektuel Masturbatioun, keen Exercice, mee matschaffen fir d’Réalitéit ze beaflosse, ze changéieren. Et ass den Engagement fir iwwer séng eegen kleng Welt eraus ze denken. Politik gëtt souwisou gemaach. Permanent, iwwerall décidéiert een iwwer mäin Liewen. Falsch Politiken beaflossen mäi Liewen. Zut! Da wëll ech mat schwetzen. Awer net just géint eppes sinn, mee fir eppes. Drunn matwerkelen fir dass et wirkt. Geschéck maachen.

Ech si bio vu kleng un. Déi eng Grousselteren haten ee Gaart um Lampertsbierg (an der Géigend vun der Poubelle vun der Foto), déi aner um Verluerkascht, dono zu Merel.

Meng Elteren haten och ee Gaard an ee Kompostkoup. Mäi Papp huet Béier sacrifiéiert fir d’Schléken vun der Zalot ewäch ze lakkelen a Plaz Gëft ze sprutzen. Mir hun d’Onkraut erausgepickt a Plaz Gëft ze sprutzen an d’Wiss mat der Séissel geméint a Plaz mat der sténkeger Méimaschinn. Mir konnte bei ons am Duerf kee Waaser vum Krunn drenken well zevill Nitrat dran war (Haut och nach). Mäi Papp war mat dobäi wéi de Mouvement écologique gegrënnt ginn ass déi gréng Partei, mäi Brudder huet sech fir bedreete Völker agesat a war soss alternativ engagéiert, et cetera. Mir sinn och geléiert ginn mat ze schwetzen an awer z’iwwerleeën ir mir de Bak opdinn. Och sech net selwer Leed ze doen, mee eppes z’ënnerhuelen, kruten mir mat op de Wee. Dat war bei ons normal. Esou hun ech mech gekëmmert an engagéiert.

Ech sinn eréicht 1995 Member vun déi gréng ginn wéi sech déi zwou deemoleg gréng Parteiën zesummen gedoen hun, well dunn enfin agesi gouf, dass fir Politik ze maachen, een déi eegen Idee, Iwwerzeegung a Meenung net verabsolutéieren därf. Si gehéiert zum demokrateschen Prozess, grad wéi der Meenung vun deenen aneren. Mat manner puritaneschem Ideologismus goufen déi gréng menger würdeg.

Mat der Kultur ass et wéi mam gréng sinn bei mir: Kultur war schon immer do bei ons doheem a rondrëm: ee Pinselen hei, Faarwen do, Musikplakken (=Vinyldisken), Instrumenter, Bastelkrom, Biller un der Mauer, Bicher am Regal, Danzbuedem am Living, Gesang, Duerftheater, Bühnendekor, Solschlësselcher, Xylophone a Blockflûte, Kierchechouer, Uergel, Pantomime, Schoultheater, Molconcour,….. All déi Impulser intriguéieren an interesséieren mech, zënter deemols bis haut. Ass esou.

Sport maachen ech vu jonck un. A gär.

Wéi vill Bouwen hun ech Futtball gespillt, net begaabt awer engagéiert.

An der Liichtathletik hat each eng besser Uluecht. Ech si 400 m geditzt (eng Ronn esou séier wéi méiglech rondrëm d’Pist). Dat war net ze komplizéiert zB mam Ronnen zielen; eng Onz Talent kann een mat Éiergäiz a Fläiss optimiséieren. Deemno hun ech gutt mat gehal, war e puer Champion an hat e puer Staffellandesrekorder. D’Resultater mat de Staffelen waren déi flottst well 4 Leefer hir Egoën an individuell Qualitéiten zesummegetesselt hun fir ee gemeinsamen Projet. Gedeelten Freed ass déi schéinsten Freed.

Dono goufe ech Sportsbénévole. Beim Liichtathletikverband, an mengem Liichtathletikclub, dem Celtic Dikkrich, bei European Athletics an elo als President beim Basket Racing Luxembourg. Duerch all dës Engagementer sinn ech méi gescheit ginn, duerch meng eegen Approximativitéiten awer virun allem duerch de „listen and learn“ mat de villen Leit mat deenen ech do ze dinn hat, hun an nach kréien wert. Elauter absolut Beräicherungen.

Deen eenzegen Discours, deen an enger Demokratie fonktionnéiert an dee mécht, dass Demokratie fonktionnéiert, ass de partizipativen Discours.

IMG_7247

Et soll een deelhuelen. Dat huet mat Kreativitéit ze dinn, mat Freed, mat Dreem a Chancen a Perspektiven, an och mat Tomaten, déi enges Dags dann dee Präis kaschten, deen se wirklech wert sinn ….. a mat dësem Blog.

Ofschloss Aarbecht vu MEMOS & Buch iwwer d’Gemengewahlen 2011

Soss waren et een üblechen Dag fir all Enn vun enger Wahlcampagne: um 7.30 um Maart, dono op der Broschtkribslaf. Dunn nees zréck op der Maart (ongeduscht awer mat anere Kleeder). Am Nomëtteg si mir an der Stater Park gaang fir onst üblecht Gesschir ze verdeelen. Ze bemierken, dass mir all ons Flyer verdeelt hun awer nach Wandmillen a Bikker hun. Eng fréier Buergermeeschtesch a Ausseministerin ass laanscht komm an huet gemengt mir sollte besser Cognac verdeelen. Vläicht net falsch.

Ech sinn elo grand zreck vun onsem Campagne Ofschloss Iessen an der Casa Fabiana. Ech wënschen Iech eng rouëg Nuecht an ee schéine Sonndeg.

Lëscht 1

IMG_9112

*Fotoën: Frank Wiltzius – Portrait 1: John Gerard – aner Fotoen: Familijenalbum.

Kategorien
Demokratie enmarcheopdeknuedler integratitiv Partizipatioun stadlëtzebuerg

Et war net Een…Aleng

Dëser Deeg, enfin dëser Wochen, Enn Juli, sinn zu Bouneweeg an an der Péitruss Spill- a Fitnessplazen fir jhiddereen ageweit ginn. Bei den zwou Aweiungen waren ganz vill Leit do, net just Politiker fir op d’Foto, mee eben och déi fir déi d’Anlagen sinn.

Kaltreis Spillplaz 1 - copie

Et sinn do Geräter an Installatiounen fir all Alter an all ludesch Fräizäitgestaltungsobjektiver : vun pädagogesch wertvolle Spiller iwwer Muskelopbau bis Stressofbau. Alles ! An an Topqualitéit ! Zu Bouneweg um Kaltreis ass et eng Installatioun op 5 ha, mat 15 hightech Poubellen, Basketskierf, Biowiss, Muppewiss, Weiher, Sandkaul, Klammrakéit, Rutschbahn, Lafwee, Zen-Eck. Et war no 20 Joer déck Zäit fir eng Rénovatioun.

Capture d_écran 2017-07-22 à 10.16.50

Ir de Park um Kaltreis den 21. Juli 2017 ageweit ginn ass, ass se gebaut nom Projet an Devis, deen den 11. Juli 2016 am Gemengerot gestëmmt ginn war, LSAP an ADR hu sech enthalen, all déi aner waren dofir. Fir déi gréng huet de François Benoy dem Schäfferot félicitéiert, dass en ëmmer méi op de Wee vun der Biergerbedeelegung geet. Well, do virdrunn waren d’Awunner aus dem Quartier opgeruff ginn fir beim neien Entworf mat ze maachen. Et gouf dofir zwou Versammelungen mat all den interesséierten Leit. Dono gouf Gescheck gemaach.

D’Resultat ka sech weisen loossen. Fir d’Viviane Loschetter, Schäffin vun déi gréng, ass et logesch, dass d’Leit, déi esou eng Anlag benotzen, och gefrot ginn wat hinne gefällt, wat net, wat besser ka gemaach ginn. D’Dynamik an d’Motivatioun vun de Bierger aus dem Quartier war grouss.

Spillplaz Péitruss 20Juli2017 - copie

Den Dag virdrunn war eng aner Parkanlag an der Péitruss offiziel op gemaach ginn. Déi ass no deselwechter partizipativer Manéier geplangt a gebaut ginn. Manner grouss, méi kompakt, Muppewiss inclus. Och do eng Plaz, een Treffen vun alle Kulturen, Nationalitéiten, Sprochen, fir all Alter, fir an d’Gespréich ze kommen, sech kenne ze léieren. Partizipativ an integrativ. Fireneen, mateneen. Esou soll sinn.

Bon, Spillplazen, et ginn der 200 um Stater Territoire, zesummen aménagéieren ass op den éischten Bléck ee banalen Exercise bei deem Keen eppes ze verléieren huet. Et ass awer och eng Zort blueprint oder Training fir d’Partzipatioun a méi groussen Dimensiounen.

Dat ass an der läschter Gemengelegislatur an der Stad och scho geschidd an ass am gaang, zum Beispill fir den Neiaménagement vu Plazen matzen am Quartier, zu Bouneweg, Hamm, Belair, Lampertsbierg, am Garer Quartier…. an dat wert mat de Gréngen och weider geschéien. Och doriwwer eraus: wann nei Quartieren oder méi grouss PAP geplangt ginn, sollen och d’Awunner aus de Nopeschquartieren matagebonnen ginn.

Versammelung LampertsbiergMat de Leit schwätzen, hinnen nolauschteren, Ried an Antwort stoen.

D’Syndikater aus de Quartieren gi weider ënnerstëtzt an do wou keng sinn, sollten esou Comiteeën gegrënnt ginn. Dat includéiert och finanzielle Support. Iwwerhat Suen a Budget.: bis elo ass d’Partizipatioun an de Quartieren just bei konkreten Projeten gemaach ginn. Quartiersbudgeten sinn eng aner Optioun déi onbedengt agefouert soll ginn. Een Obulus fir Initiativen an Ideeën iwwer déi d’Quartierscomiteeën oder Syndiken mat décidéieren. Dat mat der Hëllef vum Quartierskoordinateur/koordinatrice, deen sech ëm d‘Servicer vun der Stad am Quartier, d’Zesummenliewen an d’Participatioun këmmert.

Initiativen an Ideeën sinn dat eent, da Geschéck maachen dat anert. Och dat geet am beschten zesummen: d’Bewunner aus dem Quartier, de know-how vun de Servicer vun der Gemeng an och déi Gewielten, déi responsable décidéieren, dofir si se jo do. Dat ass een vläicht ongewinnten Exercice a verlaangt eng aner Manéier fir ze denken, vun alle Säiten.

Dat soll et jidderengem wert sinn, well deen eenzegen Discours, deen an enger Demokratie fonctionnéiert an dee mecht dass d’Demokratie fonctionnéiert, ass de partzipativen Discours. Da wierkt et.

Foto 1 uewen: paulzens.net – Foto 2 an Foto 3: screenshot fb – Foto 4: paulzens.net
Kategorien
enmarcheopdeknuedler grengwierkt integratitiv stadlëtzebuerg

Ee Liichtathletikstadion fir d’Stad

Dëser Deeg waren d’Liichtathletikweltmeeschterschaften zu London. Do huet ee nees gesinn, wéi flott dëse Sport ass well et ass fir jhiddereen eppes dobäi. Vun der plommeliichter Leeferinn op de laange Lafdistanzen, iwwer de Koloss mam Hummer oder der Kugel, via déi laangbeeneg Héichspréngerin bis de Mehrkämpfer mat sculptéierten Pectoraux an de Sprinter mat der strammer Karrosserie . Fir ze kucken awer och a virun allem fir selwer ze maachen. Fir all Gewiichtsklass a Gréisst, sprinten, lafen, werfen, sprangen. Liichtathletik ass d’Erausfuederung déi perfekt Kombinatioun tëschend Esthetik an Efficacitéit ze fannen a sech mat Aneren ze vergläichen. A well d’Liichtathletik esou universell ass, brauch d’Stad ee Liichtathletikstadion. Dat passt perfekt an eng universell Stad.

Capture d_écran 2017-08-14 à 20.46.46
Den Olympiastadion vu London 

Wann intelligent geplangt gëtt, kënnt an d’Sportshal niewendrunn oder ënnert d’Gradinën, eng Installatioun fir  Liichtathletik Basics, eng Wäitspronggrouf mat e puer Bunnen fir den Ulaf a fir ze sprinten an Hürden ze lafen a fir kënnen vu bannen eraus ze werfen a stoussen, wann d’Meteo kal a naass ass. Dat ass dann net nëmmen gutt fir de Stater Liichtathletikveräin, mee och an der Grondschoul vum Quartier wert d’Léierpersonal begeeschtert sinn duerch déi vill nei sporttechnesch Méiglechkeeten fir flott a mat Freed Koordinatioun, Souplesse, Schnellegkeet, etc.. ze trainéieren.

 

Iwwerhat sinn d’Sportinfrastrukturen ee permamenten Chantier an der Stad. Zwar gouf och an de läschten Joeren vill investéiert, rénovéiert a nei gebaut, mee et leeft een e bëssen hannendrunn, well d’Clibb méi dynamesch sinn a wuessen wéi geduecht a well ëmmer méi Leit an d’Stad wunne kommen an och méi a nei Sportarten.

Cents centre sportif 1pierre D’Grondsteen Zeremonie fir de Sport a Schoulzenter um Cents 7.4.2017

Dobäi kënnt, dass d’Sportsclibb zum allergroussen Deel mat Bénévolen fonctionnéieren, déi eréicht no hirer Schoul oder Schaff trainéieren kënnen bzw. Training halen kënnen. Dat bréngt mat sech, dass all d’Clibb zu gläicher Zäit Infrastrukturen brauchen. Doduerch gëtt et enk zu de Sportspëtzestonnen.

 

Iwwerhat, déi Bénévol am Sport (an och soss). A Sonndesrieden gi si an hiren Asaz, net just fir hire Sport, mee och an zu recht, fir hir gutt Aarbecht a Punkto Integratioun, Inklusioun a soss sozial Aspekter, als allerwichtegst fir de Sport an d’Gesellschaft op allen Niveauën gelueft. An dat war et dann!  Ech fannen, an der Stad soll elo endlech déi vill Aarbecht fir ee gutt Zesummenliewen valoriséiert ginn. Ech setzen mech fir een entspriechenden Subsidiensystem an. Et gëtt Zäit, dass och an déi investéiert gëtt, déi Dag fir Dag, Woch fir Woch, bei Wand a Wieder sech ëm eng besser Welt këmmeren, doduerch dass se  duerch de Sport, oder soss Aktivitéiten, Mënschen zesummen bréngen.

 

Fir all déi déi elo net esou Veräinsmënschen sinn an awer fit a souple bleiwen wëllen, sief et fir no dräi Treplécker net aus dem läschten Lach ze päifen oder fir ouni Stäip sech kënne vum Komp ze hiewen, sollen et an allen Ecker vun der Stad Fitnessanlagen ginn, esou wéi déi zwou an der Péitruss oder déi am Park-Spillplaz Kaltreis zu Bouneweeg. Do a bei villen vun deenen aner 200 Spillplazen an der Stad, ginn et och flott outdoor Sportsterrainën.

kaltreisCalesthénique Fitness mode d’emploi

Parc Kaltreis RelaxPausen gehéieren zum Training (d’Régénératioun ass ganz wichtig) Bänken stinn quasi  niewend de Fitnessgeräter am Park Kaltreis.

 

A propos outdoor. et soll och méiglech sinn eng Klammmauer an der Stad hinzekréien. Wann nët nierwend dem Paffendaller Lift, dann eventuel hannert d’Schlass Mansfeld a Clausen oder am Neiduerf an der Géigend vum Lift an der zukünfteger Bréck oder an d’Péitruss bei de Skatepark. Do sin genug géi Fielsen.

SkateparkNiewend dem Skatepark ass Platz fir eng héich Klammmmauer

Wou déi oppen Schwämm hikommen soll, mat Plage a Gedrénkskiosk wees ech nach net. Vläicht zu Beggen., well meng Tata Annie, de Monni Dave an meng Cousine Karen huet vill Joren an der Beggenerstrooss gewunnt an heiansdo hate si ee vue mer (mee dat hat aner Grënn a war net esou gutt). Eng plus-value fir d’Stad ass esou eppes op jhiddwerfall. Mir sinn déi eenzeg Metropolchen mat ouni dat. Dat wat schon do ass, si Pétanques Installatiounen fir déi nach méi convivial Sportler mam Pastis* als Ravi oder Zilwaasser.

IMG_8352

Dat sinn grad esou sënnvoll oder nach besser Investissementer fir d’Stad an hir Leit, wéi d’Ënnerstëtzung vun den Evenementer déi Stad Lëtzebuerg op d’Sportsweltkaart setzen a d’Natioun brandéieren.

 

Ganz opmierksamen Leit fällt op, dass dat vum Liichtathletikstadion schon an onsem (déi gréng aus der Stad) Walprogramm vun 2011 stoung. Deemols war dat nach ee wäit Feld mat villen Inconnuën. Entretemps ass Geschéck gemaach ginn, vu Gambia an der Stad Lëtzebuerg : de Rugby- a Futtballstadion ass esou gutt wéi färdeg an näischt soll verhënneren, dass d’Stad elo een offenen, frëndlechen Liichtathletikstadion, ouni Barrièren oder Clôturen kritt, deen dëser cooler, universeller Sportart würdeg ass.

 

An dono denken mir da ganz serieux iwwer de Basket Racing Dome no.

*Alkohol soll een a moderéierte Quantitéiten genéissen. Waasser ass essentiel fir eng uerdentlech Hydratatioun.

Kategorien
enmarcheopdeknuedler Mobilitéit Partizipatioun stadlëtzebuerg

Lifteg op de Kierchbierg an wéi den Indiana Jones op den Zens

Dëser Deeg gouf am Neiduerf ganz villen interesséierten Leit de neien Projet fir d’Breck Cents-Weimeschhaff an de Lift am Neiduerf présentéiert. Deen Entworf virdrunn, e bësse vill massiv, wéi d’Fielsen lenks a riets vun der Neiduerferstrooss, waren net esou gutt ukomm. De Projet fir d’Neiduerf vum Nico Steinmetz, deen och schon dat 9. Weltwonner, de grad esou flotten wéi prakteschen a nationbrandéierenden* Lift am Paffendall, konzipéiert huet, ass manner massiv, méi filigran. D’Bréck hänkt, flott intégréiert an de Quartier, liicht a lëfteg iwwer dem Dall. Eng Mëschung tëschend der Golden Gate Bridge an der Hängebréck aus Indiana Jones and the Temple of Doom.

Indiana jones Breck

Den Tuerm mam Lift respektéiert d’Silhouette vum Neiduerfer Kär niewend der Kierch an kritt eng splendid Vue op de Stadzentrum.

Lift neiduerf Uewen

Ech fannen dësen Projet flott a passend. Mee esou Saachen si jo affaire de goût. Virun allem zeechent sech dëse Projet doduerch aus, dass den Architekt d‘Bréck vum Tuerm mam Lift getrennt huet. Si géngen op zwou verschidde Plazen kommen, zirka 500 m auserneen (dat ass, fir Dammen, esou wäit wéi vum „House of Underwear“ an der Dräikinneksgaass, bis bei den „Oberweis“ beim Roude Pëtz, fir Männer wéi een Tour duerch de Batiself. Meterméisseg duerchaus machbar). Ech fannen dësen Usaz interessant. Anerersäits kann een och dofir argumentéieren, dass déi zwee, Bréck a Lift, solle beiënee sinn. Uewen, bei der aler Schoul a Kierch, géng passen. De Sall war gréisstendeels och dofir.

Breck neiduerf uewen

Virun allem hun ech matkritt, dass déi grouss Majoritéit vun de Leit am Sall de Prinzip an d‘Noutwendegkeet vun esou enger Verbindungsbréck net méi a Fro gestallt huet. Dat war deemols, op enger Walversammelung vun de Stater gréng, den 22. September 2011* och schon esou. Et ass sech méi em technesch Sécherheetsaspekter Gedanke gemaach ginn, wéi ëm de Notzen. Haut wéi deemols sinn awer och nach z. D. verständlech nimby Gedanken (effektiv wien wëll eng Bréck iwwer sénger Wunneng) opgefouert ginn.

sall Neiduerf

Fir aner Horrorszenarien hun ech manner Versteesdemech. D’Kritierien fir an d’Lëscht vun de geféierlechsten Stied vun der Welt opgeholl ze ginn sinn d’Zuel vun de Doudegen, d’Quot vu Gewaltverbriechen, Vergewaltegungen, Geiselnnahmen an d’Probabilitéit an esou eppes verwéckelt ze ginn. Och wann d’Stad um Wee ass eng Metropolchen ze ginn, ass et nach ee wäite Wee bis dohinn. Obschon, um Lampertsbierg, ouni Bréck, wieren am Ufank vum Joër nonzech Veloën aus Heiser geklaut ginn?

Ech sinn ëmmer nees erstaunt, wa geäussert gëtt, dass wat Mobilitéit ugeet, et ëmmer nëmmen eng eenzeg Léisung géng ginn: entweder-oder, dofir-dogéint a mam Auto als unabdingbar Prémisse. Mobilitéit organiséieren ass villschichteg. Et ass net de Velo aleng, och net just den Tram oder just den Auto.

CarlohVeloh

Et ass eng Mëschung zu der och ee Lift am Neiduerf, eng Bréck tëschend dem Cents a Weimeschaff-Kierchbierg, Makadamm a Schinnen a Busser a marquéiert Velosweeër a sécher Trottoiren gehéieren. Vernetzt, opëneen ofgestëmmt, ee Konzept, ee Choix proposéieren.

Et ass, och am Verkéier, méi schéin mateneen wéi aleng: hei

paratgeons la ville

Als Faarw vun der Bréck proposéieren ech gréng-blo.

*de Paffendaller Lift ass sélectionnéiert ginn fir de 25th World Architecture Award, archiduc.lu, 12-07-2017 ** „16. Ersatz, Wahlkampf an onser Haaptstad!“, Paul Zens, Ambrose Dieudonney Fanning Edition, 2011, p. 96-97. d’Grafiken sinn déi déi deen Owend présentéiert goufen (hu se ofgeknipst a gefilmt) vom Nico Steinmetz (steinmetzdemeyer.com).

Animatioun Breck hei klicken

Animation Lift hei klicken

Kategorien
enmarcheopdeknuedler integratitiv stadlëtzebuerg

Game, set, match fir ons Natioun

Dëser Deeg huet de beschte Lëtzebuerger Tennisprofi vun allen Zäiten, Gilles Müller, Lëtzebuerg op Tennis Weltkaart placéiert an d’Natioun global brandéiert.

Capture d_écran 2017-07-14 à 23.03.50Gilles Müller (Foto Eurosport)

E puer dëser Deeg virdrunn hat de véiertbeschte Futtballclub vu Lëtzebuerg, den FC Progrés Nidderkuer, d’Natioun europäesch brandéiert.

Prog-Rangers

Nach eng Parti dëser Deeg virdrunn hun hei am Land vill dausende Leit d’Cyclisten vum de Tour de France um Bord vun der Strooss ugefeiert. Lëtzebuerg war an des Course includéiert e.a. fir d’Natioun ze brandéieren. Ufank Juli sinn och dausende Leit um City Jogging duerch d’Stad matgelaf an mäi Basketclub, de Racing aus Stad hat Generalversammelung um Enn vun enger gelongener Saison.

Cpe Coque bwSport ass kuerzfristeg a vergiesserlech wat d’Resultater ugeet, net awer fir dat wat ee léiert dobäi.

Alles Sport! Alles vu Leit fir Leit! Vun Héichprofessionnel bis Amateuren a Bénévolen. Ouni dës Lescht gëtt et déi aner net. Bénévolen, déi mat Leif a Séil dobäi sinn a begeeschtert organiséieren, encadréieren, motovéieren, maachen den Ufank. Dono ginn déi Bescht, dat sinn déi Wéinegst, quasi the chosen few, iwwerholl vun deenen Aneren, de Profimanager. Eng richteg Sportscarrière ass ee Laangzäitprojet, déi jugéiert gëtt no kuerzfristegen Resultater. Den Erfolleg vu Gëschter ass séier vergiess.

All déi aner, the remaining many, maachen virun Sport. Op hirem Niveau, no hirer Loscht a Freed.

Greng JoggerGréng Cityjogger: Sam, Salam, Claudie, François

Sport ass Mord! – Wieso Sport Mord ist? Weiss ich auch nicht. Man sitzt doch gemütlich vorm Fernseher und trinkt sein Bierchen; natürlich regt man sich auf, selbstverständlich ist die Ehe gefährdet, aber Mord trifft nicht zu. (*).

Also, ech hu Sport net gemaach fir gesond ze sinn, ginn oder bleiwen, mee aus Freed un der Beweegung, d’Freed un der Erausfuederung an dem Verglach mat aneren, aus Ambitioun an déi narzistesch Perspektiv op Unerkennung. Et war bestëmmt net wéinst „men sana in corpore sano“: ech krut duerch de Sport kee Punkt an der Mathé oder Latäin méi.

Eenzeln an a Moossen huet de Sport méiglecherweis hygienesch Avantagen an erméiglecht engem gesond ze stierwen. A mecht Spaass, wéi den Umberto Eco et beschreiwt „Der Sport, verstanden als eine Tätigkeit, in der einer ohne Gewinnstreben und durch unmittelbaren Einsatz des eigenen Körpers physische Exerzizien betreibt, die seine Muskelen üben, sein Blut zirkulieren und seine Lungen voll durchatmen lassen, der Sport, sage ich, ist eine sehr schöne Sache, zumindest so schön wie der Sex, die philosophische Reflexion und das Glücksspiel mit Erbsen als Einsatz“**

Turnen Péitruss.jpgSportanlag fir Jhiddereen an der Péitruss niewend enger Spillplaz an dem Skatepark

Mee virun allem, mat Aneren zesummen ass de Sport eng onvergläichbar sozial a moralesch Léier, och net just dann wann de Sportler, d’Sportlerin, eng intelligent, offen Persoun ass. Am Sport ënnerwerft een sech fräiwëlleg Regalen, de Spillregelen, ouni déi kee Sport fonctionnéieren kann. D’Zivilisatioun ass näischt aneres wéi d’Acceptéieren vu gemeinsame Regelen a Konventiounen. Vill vun dësen Regelen a Konventiounen si arbitraire, kënne changéieren awer si existéieren a setzen de Kader.

Sport léiert net just just Regelen ze respektéieren, mee och de Matstreider. An d’Konkurrenten. Dat gëllt souwuel fir déi Aktiv, wéi och fir d’Supporter an d’Dirigeanten. Een deen de Géigener, den Arbitter oder d’Divinitéiten vernennt, ass kee Sportsmann a gëtt och ni een. Et léiert een würdeg ze verléieren a würdeg ze gewannen,

De gréissten Virdeel vum Sport ass de Wert vum, op der enger Säit, individuellen Effort an op der aner Säit, déi gemeinsam Aarbecht, mateneen op d’Rei ze kréien. Op een Zil hin ze schaffen, eenzel a zesummen. Liberalismus fir de Kollektiv. Et ass op de Mix op deen et ukënnt: zesummen ereecht een de nexte Level. Sport verbënnt. Dat ass gutt fir ons Natioun.

Deemno ass Sport wéi d’Liewen, mat Individualismus, Solidaritéit, Regelen, Werter, Optimiséierung, Kuerzfristegkeet, Nohaltegkeet, Entäuschungen, Belounungen, Spaass a Freed. A verdéngt net just ee Moyen ze sinn fir ze brandéieren, mee och fir brandéiert ze ginn, zumols déi vill Bénévoler.

An emsou méi an onbedéngt wann si sech an a mat hire Clibb fir d’Zesummenliewen asetzen. Am beschten mat Subsidën well bei de Suen klemmt et bei den Amateuren am meeschten, schlisslech huet vun der Qualitéit hire Präis a muss sinn bzw. gëtt verlaangt, zu Recht vun de Sportler an dax och vun hiren Elteren.

och am ReenBénévoler a Betreier, je nodeem betreien si och am Reen, Dag fir Dag.

Eppes aneres Wichteges sinn zweckméisseg, praktesch Infrastrukturen, zum Beispill eng eegen Liichtathletikinstallatioun an der Stad mat der Méiglechkeet an enger Sportshal am Wanter oder am Reen och technesch Disziplinnen ze üben. Iergendwéi soll een et och op eng Rei kréien d’Sportveräiner mat dem Schoulen a soss Betreiungsstrukturen ze verbannen.

Déi selwecht Ideeën gëllen och fir d’Kultur.

*Fritz-Jochen Kopka, 1995 fonnt an „Sport ist Mord, Texte zur Abwehr körperlicher Betätigung“, 1996, Hrsg. Volker Caysa, Reclam Verlag Leipzig – **“Die Fussball–WM und ihr Staat“, 1978, Umberto Eco, aus deemselwechten Buch wéi *.
Kategorien
Demokratie enmarcheopdeknuedler Partizipatioun stadlëtzebuerg

Hey you! Be part of it

Dëser Deeg huet Paperjam d’Kandidaten fir d’Gemengewalen gefrot hinnen een 30 Sekonnen Vidéo Statement ze schécken fir ons auslännesch Matbierger ze motiviéieren sech op d’Wielerlëschten anzeschreiwen.

Evidemment hun ech prompt esou eppes gemaach. Nët nëmmen well een sech weise soll an enger Walcampagne an ech schon ëmmer wollt videoméisseg am Weltwäitenweb zirkuléieren, mee virun allem well ech et wichteg fannen mat ze maachen. Hei an dann e bëssen erof scrollen

Evidemment hun ech e puer Versich gebraucht fir eppes plus ou moins improviséiert Valabels hin ze kréien. Vum Selfie am Paffendaller Parc via d’Opnahm mam den Nei-Stater Bierger aus Egypten, deen zoufällergerweis laanscht komm ass an am Pesactore Parc beim Paffendaller Lift mat sénger Madame d’Aussicht wollt genéissen, mee dunn awer frëndlercherweis d’Kamera gehalen huet, iwwer den Autoskaméidi vum Eecherbierg bis d’Versioun vu beim Gaelic-Sports Terrain um Schoettermarjal zu Weimerskirch :

hei (1)Capture d_écran 2017-07-02 à 13.14.26

hei (2)Capture d_écran 2017-07-02 à 13.07.23

hei (3).Capture d_écran 2017-07-02 à 13.15.28

Fir de Wording vum Video hat ech mech e.a. inspiréiert un engem Interview mam Viviane Loschetter am Delano vum Abrëll 2017 « They-the foreign residents-work after all and so they need to sit at the decision-making table, and that also means voting »* Mee am Fong gëllt dat fir Jhiddereen.

Viviane Loschetter Delano April 2017 **

Fir déi déi mäin Genoschels net verstinn hei dat wat ech verzielen am Video dee vu Paperjam veröffentlecht gouf « Hi there. I’m Paul from the green party. You living in such a stunning place is absolutly fantastic ! For us too. Thank you and we appreciate you adding value to this country. Which is possible because it is well managed. But we still can do better. By you. With your help. So be part of it ! Join in ! In the management. By voting. Get registered please. Thank you.***

A propos voting : fir ze üben fir de Voting vum 8. Oktober maacht mat beim Voting fir dee beschten Video vun hei. Schéckt eng Sms mat den Nummer vum Video op 621195141. Ënnert all deenen déi matgemaach hun (deadline: 13/07/2017) auslousen ech ee Gewënner oder eng Gewënnerin vun engem flotte Präiss.

* & ** Delano, N° 50, April 2017 p. 26 & 27 *** op Letzeboiësch : Zalut do ! Ech sinn de Paul vun de gréngen. Dir op esou enger formidabler Plaz ze wunnen ass absolut fantastesch ! Och fir ons. Merci a mir appréciéieren, dass Dir dest Land opwert. Dat ass méiglech well et gutt gemanaged gëtt. Mee mir kënnen dat nach besser maachen. Mat Iech. Mat Ärer Hëllef. Also, këmmert Iech mat ! Maach mat ! Beim Management. An deems Dir matstëmmt. Schreiwt Iech an wgl. Merci.

 

Kategorien
enmarcheopdeknuedler Kreativitéit stadlëtzebuerg

Mäi Shoppingbag an ech an der Stad

Dëser Deeg sinn d‘Solden. Ech war direkt dobäi an hu schon deck iwwer 100 Prozent gespuert. Ech fannen d’Stad shoppingtechnesch attraktiv. Awer net just well ech esou vill an de Solden gespuert hun, mee och well mir hei an der Stad eng Parti flott Geschäfter hun an déi ech nawell gär akafen ginn. Ech kenne d’Personal, si kenne mech, zumindest meng vestimentaire Preferenzen, Schonggréisst, kulinaresch Gewunnechten, Lecture a soss Schrullegkeeten.

FullSizeRender

Mee anscheinend deelt net jiddereen meng Meenung. Et gëtt geklot, dass der Stad hir Attraktivitéit an de leschten Joeren ofgeholl hätt. Dat ass thematiséiert ginn, wéi ee Libraire aus der Beaumontsgaass, deem sénger Bicher bei mir am Regal stinn, annoncéiert hat, säi Bicherbuttek zou ze maachen, aus verschiddenen Grënn. Et wir ganz schwiereg als Geschäftsmann/fra e.a. wéinst dësem Mangel un Attraktivitéit vun der Stad awer och wéinst den héijen Loyerspräisser, dem Online-Handel. Och droen déi grouss Chaînen hiren Deel zum Misère bäi well hir Mammekonzerner vill méi finanzkräfteg sinn an all kommerziellen Tempo matgoen kënnen incl. dee vun de Loyerspräisser, de Logicielen fir d’Online-Handel Plattformen….

Wat mat Mangel un Attraktivitéit gemengt ass wees ech net: d’Stad ass propper, d’Gebeier, zumindest op Rez-de-Chaussée Héicht, gutt ënnerhalen, iwwerdeems fir Deko vun de Geschäfter entweder déi international Chaînen hir Zentralen zoustänneg sinn oder den eenzelen Geschäftsmann. Mee Deko gehéiert zum Kärgeschäft. Wann ee wëll verkafen, muss ee prett sinn ze verkafen. Méiglecherweis ass bei Mangel un Attraktivitéit déi gefillten schwireg Accessibilitéit gemengt. Also mam Auto versteet sech, well mam Velo oder zu Fouss ass et ganz easy. Dat gëllt och fir de Bus. De Fränz B. kritt d’CFL och lues a lues an de Grëff, iwwerdeems den Tram aner Méiglechkeeten bidde wert, net just fir bis bei d’Geschäfter am Zentrum an am Garer Quartier, mee och fir d’Implantatioun vu Geschäfter.

IMG_1517

Evidemment geet et och ëm d’Parkplazen. Iwwer 10.000 sinn der an a rondrëm d’Stad. An enger rezenter Etude vum Stater Geschäftsverband (UCVL) heescht et, dass d’Meenungen doriwwer gedeelt sinn: fir déi eng Halschent vun de gefrotenen Leit, sinn et net genug Parkplazen, fir déi aner ginn se duer. Ech wënsche mir effektiv och nach e puer méi iwwerdeckten Veloparkplazen.

Des Etude weist och, dass déi grouss Chaînen 2016 méi Geschäftsflächen anhuelen wéi 2010: 11 % manner Geschäfter awer 13 % méi Fläch. Den Ëmsaz vun alle Geschäfter ass an deenen 6 Joër vun 365 Milliounen op 534 Milliounen eropgaang. D’Zuel vun den Awunner an déi vun de Leit déi an der Stad schaffen, also vun de potentielen Klienten, ass och erop gaang.

Déi potentiel Klienten hun eng grouss Offer: vun gënschteg iwwer mëttelgënschteg bis mëtteldeier an deier. Woubäi ech ausdrécklech betounen wëll, dass een ëmmer nëmmen fir séng Suen kritt an dass bëlleg och bëlleg ass, och a punkto Produktiounskäschten, inkl. Material an Aarbechtskraaft. An och dass de Präiss verschidden Valeuren a Gréissten, notamment de Verbrauch vun natiirlechen Ressourcen, net mat abegräift, wat awer net korrekt ass. Iwwriens Gäiz ass net gäil awer verständlech wann d’Akommes limitéiert ass. Mee dat ass eng aner Schrauw un der muss gedréint ginn.

D’Loyerschrauw ass eng aner Gréisst a fir eppes onattraktives wëll keen Suen ausginn. Iergendwéi muss d’Stad jo dann awer attraktiv sinn, soss géngen d’Loyeren jo net esou klammen. De Marché vun Geschäftsflächen ass awer och ee Geschäft, mat haarden Bandagen. Et ass awer net gutt, wann inaccessibel Loyerën Kreativitéit an Dynamik ausbremsen. Och de fräie Maart brauch an deem Sënn Leitplanken.

Wéi mir vun de Stater gréng virun e puer Joer zu Kopenhagen op Bildungsrees waren, huet ee politesch Responsabelen vun der Stad Kopenhagen ons verzielt, dass deemols, wéi de Projet fir de Stadzentrum autofräi ze kréien initiéiert gouf, d’Geschäftsleit sech gewiirt hun, wéinst hirer Angscht, dass manner akaft gëtt wéinst dem Transport: logescherdéngs well eng Malle vun engem Auto ass méi grouss wéi eng Velosposch. Si hun am Laf vun der Zäit awer eraus fonnt, grad wéi Joren dono zu Stroossbuerg, dass de Géigendeel de Fall ass a méi kaf gëtt.

Stbg_opmierksam

Strasbourg 2015: Guillaume Rischard, Mathias Schmit, François Benoy, Claudie Reyland, Florent Toniello

Well een deen eemol an der Woch akafen oder shoppen geet (ech wees, dat ass net datselwecht), ass préparéiert, huet eng Lëscht wat hien brauch, wivill Volume transportéiert gi kann (Gréisst vun der Malle) a gepackt gëtt a wivill op eng Kéier bezuelt muss ginn (vill). Net ze schwetzen vum Stress an dem Genervs beim Parkplaz sichen um éischten Treppléck, an der Kees, beim an d’Wunneg droen, beim Tesselen, well se jo all eguerten dann akafe ginn (Samsdes). Dat sinn Facteuren déi de Kafäifer inhibéieren.

All Dag e Bëssen dogéint ass méi gemittlech, deet net esou wéi am Portemonnaie, ass gutt fir d’Laun, déi gutt ass fir de Plëséier an déi diesbezüglech Virfreed inklusiv Virkeeshormonpick. Méi dax heescht och méi frësch, esouwuel fir d’Veggievoren wéi d’Carnivoren. An a Rucksäck a soss Behältnisser fir Velo oder zu Fouss, kritt een och Etleches dran.

fruits et légumes

Deemno ass et wichteg, dass eng agréabel Atmosphere (wisou denken ech elo och un Air Deluxe?) an den Akafsstrossen ass. Tëschend Ofgasen hetzen ass net flott, genau wéi de Slalom tëschend den Autoën an de Courrierën um Velo, déi Liwwerungen vun Internet-Handel op Destinatioun bréngen. Do ass gemittlech schlenderen an enger adretter verkéiersberouegter Zone dach vill méi flott. Net nëmmen an de Solden.

Cityshopping.lu
„Luxemburg ist eine Shoppingstadt“, Tageblatt, 30. Juni 2017 – „Es bleibt noch Luft nach oben“, Wort, 30. Juni 2017 – „Wie ein kleines Kaufhaus sich in Münche behauptet“, Süddeutsche, 26. Juni 2017
Kategorien
Demokratie enmarcheopdeknuedler Partizipatioun

16.Ersatz enmarcheopdeknuedler

Dëser Deeg hu mir vun de Stater gréng weider un onsem Walprogramm geschafft. Et war déi 4. Versammelung dofir. Et gëtt dee formidabelsten Walprogramm. Groussarteg ! Mir hun um 17H30 ugefaang a vollkonzentréiert an haard geschafft.

IMG_1487

Well mir déi Deeg a Wochen virdrunn och gutt geschafft haten, war ech sëcher, dass ech et kéint packen, fir um 21H00 Auer op der Kinnekswiss dem Gast säin jazzy-klassik Popkonzert mat z’erliewen. Mee bon, ech hat ons gréng Débattéierpassioun schlecht ageschätzt : um 23H15 sinn ech, ouni een Takt gehéiert ze hun, laanscht d’Kinnekswiss Heem pedaléiert. D’Leit vum Konzert waren dunn och um Wee fir Heem.

Et wees een net wéi een et richteg mecht, entweder sech weisen oder awer um Fong schaffen, wann ee Kandidat fir op de Knuedler ass a wëllt gewielt ginn. Bei mengem läschten Ulaf war dat mir jo splendid net gelongen. Dat hun ech an « 16 Ersatz » beschriwwen. Wann een et wëll genau noliesen, einfach sech bei mir mellen.

16_Ersatz

Mee dat war deemols. Entretemps ass vill geschidd. Wat weider geschidd ënner ♯enmarcheopdeknuedler

PizzaPausWalprg

Kategorien
Demokratie enmarcheopdeknuedler stadlëtzebuerg

Mir man et mateneen. An et wierkt!

Dëser Deeg gouf bekannt, dass ech nees Kandidat sinn fir Buergermeeschter vun der Stad ze ginn.

Enfin, ech hun d’Freed mat 24 Kolleginnen a Kollegen an der Equipe vun onse Spëtzekandidaten Sam Tanson a François Benoy ze sin, déi fir déi gréng an der Stad an d’Gemengewalen geet.

Stad17MeeEquipe

vlnr: Nicole Ikuku Etikwa, Maria De Macedo, Tatjana V. Bonkewitz, Georges Lemmer, Barbara Roland, Jeannelle Gresham, Claudine Muller, Matthias Schmidt, Catia Fernandes, Claude Schmitz, Tilly Metz, Carlo Back, Linda Gaasch, Sam Tanson, Nico Meyrer, Sébastien Tasch, François Benoy, Cyrille Horper, Clauide Reyland, Mike Mathias, Paul Zens, August Götzfried, Christa Brömmel, Alex Hornung (leider net op der Foto Tanja Frank, Henri Goedertz, Guillaume Rischard)

Ech si prett! Ech hun een Twitterkont!

modern medien

De President vun déi gréng, ee Mann voller subtiler Weisheet, huet iwwriens gemengt, de Numm vu mengem Blog wir net adequat fir Walen ze gewannen well e klengt iergendwéi no: w-w-wielt paulzens net.

Egal, well et geet souwisou jo net dorëms wat ech, wat een Eenzelnen seet wat hien maachen kann, mee et geet dorëms wat erreecht gi kann vun ons. Mateneen. Zesummen, well Een een Deel vun engem Ganzen ass. Et mecht ee Saachen fir se all, net just fir een Deel. Dat ass Zesummeliewen. Dat ass Demokratie. Dat ass och Politik.

Politik, Demokratie an Zesummenliewen sinn och keng Aktivitéit just fir no ze kucken, fir niewend dem Terrain ze stoen a vu baussen ze kritiséieren. Et steet een um Terrain an et dréit een säin Deel bäi. Grouss a Kleng, Al a Jonk, Fläisseg a Motivable, Flénk a Lues, mat sénge Qualitéiten an op séng Manéier: konstruktiv, konservativ, innovativ, kreativ, iwwerluecht, dynamesch: mateneen an zesummen Dat wierkt.

IMG_1245

A och wann deen Eenzelen mengt honnert Prozent recht ze hun, muss een, fir d‘Saachen virun ze brengen, openeen zougoen. D’Resultat ass dann méi wéi d’Zomm vun deem wa jiddereen op eegen Fauscht mécht an deet.

Och wann et am politeschen Handelen zwar keng eenzeg Wourecht gëtt, bedeit dat awer och net an absoluten Relativismus ze verfalen a Keng z’ënnerhuelen. Nom mateneen ausschaffen, muss décidéiert a Geschéck gemaach ginn. Da wierkt et.

Dës Manéier wierkt zënter 2005 mat de Gréngen am Schäfferot an der Stad. Et ass vill geschidd. Ganz vill. Dat mierkt een an der Stad ganz gutt. D‘Stad ass attraktiv a wiisst: 2005 hat d’Stad ronn 84.000 Awunner, elo 115.000. Si ass och an aner Beräicher am gaang sech ze veränneren, z’entwéckelen, sech un ze passen. Dat ass néideg well dat alles geschidd op nach ëmmer 51,73 km2.

IMG_0197

Trotzdeem: si mir besser drunn wéi virdrunn? – Jo! Si mir schon do wou mir hiwëllen? – Nach nët! Ech si prett fir mat ze maachen, mateneen, dass et wirkt. Dohin.

Esouwäit zum Prinzip an der Taktik. Wat dat da praktisch heescht gëtt een no a no hei gewuer an hei

Impressiounen vun der Présentatioun vun de Kandidaten hei

Fotoen: 1&4: André Gonner ; 3: John Gerard; 2 an Présentatioun: déi gréng; 5: screenshot geoportail